Page 39 - AVP

Parlamentario Dellanire Maduro Di POR Comision Di

Salubridad A Reuni Cu Asociacion Di Dokter Di Cas Y

Specialistanan Riba Coronavirus

 Featured

 Local
- 05/03/2020

Dellanire Maduro, Presidente di e Comision Fiho di Asunto Social, Famia, Cuido pa nos
Grandinan y Salubridad Publico di Parlamento a comenta cu diamars atardi e
miembronan di e comision aki a reuni cu e Asociacion di Dokter di Cas (HAVA) y e
Asociacion di Specialista di Hospital di Aruba (ASHA). Topico di e reunion aki tabata
con e preparativonan ta y con e plan di accion ta pa loke t’e virus nobo di Coronavirus
(CIVOD-19).

Intencion tabata pa tur miembro por a haya mas informacion riba e preparativo y e
plannan cu e gremio di dokter di cas y specialistanan di Aruba tin pa loke t’e Covid-19.
Esaki t’e prome reunion cu e comision tabatin pa atende cu e tema aki y eventualmente lo
bay reuni cu mas stakeholders den e siguiente dianan pa por haya mas informacion riba e
protocolnan cu tin, con nan ta “sluit aan” na otro y wak con for di Parlamento por
contribui si ta necesario.

Puntonan mas importante cu a bin dilanti durante e reunion di diamars, segun dr.
Dellanire Maduro, ta cu ta pidi esnan cu ta malo pa por fabor no bay oficina di dokter y
evita asina contagia otro personanan cu ta n’e oficina. Tambe na ken por asisti si tin un
sospecho cu tin e virus riba cual dentro di poco Departamento di Salud Publico pronto lo
bay suministra informacion adicional y mas especifico.