Page 42 - AVP

“Den esaki un di e informacionnan mas importante ta cu e gastonan di personal ta bay
ta 476 miyon florin, pues nos ta kedando bao di locual e palabracionnan tabata cu nos
tabata tin cu Hulanda”.

“Servicio y producto ta conta cu 203 miyon florin, gastonan di interes ta na 221 miyon
florin, subsidio cu lo wordo otorga ta na balor di 216 miyon”.

“Di belasting directo Gobierno ta premira cu lo ricibi 577 miyon florin, mientras cu di

belasting indirecto 644 miyon lo drenta, di inversion tin 20 miyon cu ta wordo reserva
pa esaki y tambe locual ta gastonan of fianza cu Gobierno ta entrega pa locual ta
estudio ta na 30 miyon florin”, segun Maduro.

E minister a sigui bisa cu importante ta cu Aruba ta bay conoce un surplus financiero,
cu ta prome biaha desde 2008.

E tempo ey e surplus tabata rond di 50 miyon florin, mientras cu e aña aki e ta bay ta

46 miyon florin, esta 0.8% di nos GDP.

“Banda di esaki locual ta e necesidad financiero di Aruba, tur aña tin cierto debenan cu
nos tin cu cumpli cu nan”.

“Aworaki nos no ta traha debe nobo, pasobra no tin un deficit, no tin un buraco den
presupuesto akinan, sino nos tin un surplus y pesey e ora ey e necesidad financiero ta
na 315 miyon florin”, segun Maduro.

El a bisa cu e presupuesto mester tabata cla for di September, pero Gobierno ta
satisfecho cu por a entrega awor e presupuesto cu tin un surplus.

E mandatario a probecha di gradici cada un di e personanan cu a traha riba e
presupuesto, incluyendo su coleganan di Gabinete Wever Croes y nan staff y tur e
departamentonan cu a yuda tambe.

https://www.diario.aw/2020/03/presupuesto-nobo-di-aruba-lo-tin-surplus-di-46-miyon-florin/