Page 20 - bon-dia-aruba-20210419

A20 reino
Dialuna 19 aPRil 2021

Construccion na rotonde

Caya Amsterdam y cuater

caminda ta cuminsa

E rotonde cu ta den construccion aworaki na Caya Am-
sterdam, no ta cumpli cu tur exigencia cu ta necesario
pa un rotonde save cu ta duradero pa futuro. Cu bista
riba expansion di e bario residencia Hato, e parke em-
presarial nobo y e posibel haf di container, un rotonde
mas grandi ta necesario.

E rotonde actual lo por keda adapta un tiki, pero e ora ey
despues di algun aña lo tin mester di un ampliacion atrobe.
Pa e motibo aki a scoge awor pa un cambio y ta bay construi
un rotonde mas grandi. E trabou aki ta cuminsa den e prome
mita di luna di mei y ta cla den e prome mita di luna di augus-
tus, prome cu e aña escolar nobo cuminsa.

Construccion di e rotonde ta parti di un Programa di Camin-
da mas grandi cu Ministerio di Infrastructura y Maneho di
Awa ta financia pa un gran parti. Durante e simannan binidero
ya caba ta cuminsa cu cuater proyecto di caminda:

Caya Commerce: inicio na luna di april 2021
Caya Gramel: inicio na luna di mei 2021
Caya Hermandad: inicio na luna di mei 2021
Caya Neerlandia: inicio na luna di juni 2021

Durante e conferencia di prensa a splica cu na aña 2019 a traha
un diseño pa un rotonde na Caya Amsterdam. Pa motibo cu e
diseño aki no tabata tene suficiente cuenta cu e infrastructura
di WEB cu tin na e sitio ey, Entidad Publico Boneiro a adapta
e diseño. A marca e diseño riba un pida tereno caminda a haci
careda di prueba cu truck grandi pa wak si e rotonde ta sufi-
ciente grandi. E tempo ey a conclui cu e diseño tabata bon y a
cuminsa cu e trabou.

Na luna di december a surgi discusion tocante e pregunta si
e rotonde cu a construi lo tabata suficiente grandi y sufici-
ente save. Seguidamente e director a para e trabou pa laga haci
investigacion adicional prome. Rijkswaterstaat a investiga e
diseño y e rotonde cu a construi pa loke ta trata e aspectonan
di manehabilidad y siguridad. Nan a conclui cu e rotonde ta
adecua si como rotonde chikito den un bario residencia, ca-
minda lo mester a haci varios ahusta tecnico si pa salvaguardia
siguridad (di por ehempel ciclista) y caminda a sali for di e
punto di bista cu ta solamente chauffeurnan di truck experen-
cia lo por a pasa cu cautela cu nan truck riba e rotonde.

Banda di e conclusion aki e ora ey a wak e sitio y e deseonan
di termino largo di e caminda aki di nobo. Pa motibo cu e
caminda aki ta bira un caminda principal importante pa Bo-
neiro, riba termino un rotonde chikito no ta cumpli cu e exi-
gencianan al respecto.

Pa e motibo aki a scochi pa laga traha un diseño adapta. E dis-
eño aki ta consisti di un rotonde mas grandi cu tres brasa, cu
ta cumpli cu tur norma Hulandes vigente y caminda ta tene
bon cuenta cu infrastructura di WEB y siguridad di tur trafico
(incluso ciclista). Mas cu den pasado, pa tur proximo proyecto
di caminda lo tin atencion pa asuntonan manera norma infra-
structural, desagwe y (caminda ta posibel) caminda pa ciclista
y peaton.

Na e momento aki ta investiga kico ta e gasto adicional pa
construccion di un rotonde nobo y di ki manera ta bay finan-
cia e gasto adicional aki. Tambe a cuminsa cu un investigacion
administrativo pa loke ta trata e proceso cu a sigui pa yega na e
rotonde actual. E meta ta pa determina kico no a bay bon y pa
siña di esaki pa futuro.

Rijkswaterstaat tambe ta tira un bista riba e diseño, di manera
cu nos sa sigur cu esaki ta bira un rotonde bon y sigur. Asina
cu e diseño ta definitivo, lo ehekut’é conforme e proceduran-
an vigente. Tur cos ta enfoca riba e obhetivo pa keda cla cu e
rotonde nobo prome cu e aña escolar nobo.