Page 49 - Extra

Djasabra 30 Yanüari 2016 49

SOSEGA NA PAS Kontinuashon di pagina 7
REFINERIA ISLA TA...

ku e promedio di S02
midí na 2015 na e santana
ta esun di mas haltu di tur
tempu, tampoko ta kuadra
ku realidat i ta mustra un
bes mas riba e ròl dudoso di
e gruponan di preshon den
e kuestion aki. No tin duda
ku entre otro na 1982 Shell
(Raport di DCMR Rijnmond)
a midi un promedio di 412
ug / m3 di S02 den un
área poblá pabou di zona
industrial di Schottegat
ku ta hopi mas haltu ku e
promedio di 225 Il&Im3
validá pa GGD Amsterdam
na Santana Hudiu na Beth
Chaim na 2015.

Ademas ta un echo ku
for di añanan 80 vários otro
fuentenan di emishon a bini
aserka den e zona industrial
di Schottegat banda di
Refineria Isla.

Biniendo bèk riba
e ofensiva den media
durante e último
simannan, probablemente
e punto kardinal, tabata
pa influenshá Parlamentu
ulandes den toma di
desishon den e reunion
unilateral entre e gruponan
di preshon i Parlamento dia
26 di yanüari último i tambe
e reunion parlamentario di
dia 28 di yanüari 2016 unda
Minister Plasterk a hiba
palabra tokante e situashon
aktual di Isla.

Ta un kaso serio, ku ta
manipulá e informashon
na un manera ku e
bèrdat no ta keda tresé
dilanti p’asina krea un
plataforma di urgensia
fiktisio i tambe konfundí
pueblo. E plataforma aki
lamentablemente a sirbi
komo e punto di salida pa
e presentashon di Profesor
Boring. Pues e ta basa su
análisis riba informashon di
gruponan di preshon ku na
diferente okashon ya kaba a
mustra kon kreativo

nan por drai hechonan,
p’asina pueblo kere loke
nan ke pa pueblo kere. Ta
un pena ku tantu energia
ta wòrdu hinká den kosnan
ku no ta kontribuí na un
manera struktural pa un
solushon duradero ku ta na
bienestar di henter pueblo di
Kòrsou.