Page 48 - Extra

48 Djasabra 30 Yanüari 2016

...Pa un kosto di 43 mion dòler...
KONSTRUKSHON TERMINAL KRUSERO NOBO
LO KUMINSA NA NOVEMBER AWOR

WILLEMSTAD.- nobo. E plan di un pir nobo ta pa algun aña kaba, inkluso bou
Konstrukshon di un terminal algu ku ta diskutiendo riba dje di e gerensia anterior di CPA.
di cruise nobo na Kòrsou, e di
dos, lo kuminsá na novèmber
awor. E proyekto a keda atras
te awor aki pa loke ta trata
e proyekshonnan komo ku
a anunsiá ku lo kuminsá e
konstrukshon meimei di e aña
aki. Ya kaba a hasi e anunsio
ku e terminal lo bai yama
Tula-Pier. E lo bin den e área
di e Mega-Pir aktual.

E siman aki tabatin basta
diskushon riba retnan soshal
despues ku Aruba a anunsiá
ku el a risibí riba un dia 5
barku di cruise ku mas ku
10 mil turista. EXTRA a
buska informashon i nos a
haña deklarashonnan ku
e representante di turismo
di Kòrsou na Oropa a hasi
resientemente. El a bisa ku
Tula-Pier lo bin den e área
ku ta mustra den Holiday
Beach Hotel. El a bisa tambe
ku e proyekto lo bai kosta
43 mion dòler i lo kuminsá
na novèmber awor. No ta
masha kla si e 43 mion dòler
ta inkluí e loke mester a
paga pa kondishoná e área
pa pone e pir. Den e área ku
a skohe mester pone entre
otro “heipaal” pa sostené
e proyekto. Anteriormente
tabatin e diskushon si e
proyekto lo mester bin den
Punda pero finalmente
a skohe pa Otrobanda.
E representante a splika
wèpsaitnan speshalisá
riba tereno di turismo ku
barkunan di turista ta bira
dia pa dia mas grandi i nan
no por mara den haf mas.
Ademas tin kapitannan ku no
ta riska drenta haf di Kòrsou
ku nan barku. Mas aleu el a
bisa ku aktualmente Kòrsou
ta den kombersashon ku
kompanianan di barku pa
mustra riba e plannan ku tin
pa futuro. “Nos ta mira ku e
interes pa Kòrsou ta kresiendo.
Hopi kompania di barku
ta buska destinashonnan
nobo. Kòrsou su posishon
geográfiko ta hopi bon i ta
bin aserka ku Kòrsou ta skor
bon serka turistanan di cruise.
Pa kompanianan ta atraktivo
pa añadí Kòrsou den nan
skèdjel”, asina el a bisa.

E proyekto di konstrukshon
di un pir nobo ta kai bou di
enkargo di CPA, pero di parti
di e kompania mes no ta
dunando masha informashon
den ki fase e proyekto ta. E
minister nobo di ekonomia i
turismo Eugene Rhuggenaath
a anunsiá despues ku el a
asumí e posishon ku lo aselerá
e proyekto di un pir nobo komo
un di e maneranan pa duna
Kòrsou un impulso ekonómiko