Page 43 - Extra

Djasabra 30 Yanüari 2016 43

aviso@extra.cw ...Segun e vishon di
Kámara di Komersio...

KORSOU
MESTER BIRA
UN PODER DEN
EKSPORTASHON

...Mester kita
burokrasia i privatisá
kompanianan di

gobièrnu...

WILLEMSTAD.- Basá
riba kálkulonan di Banko
Sentral, parse ku nos
Produkto Doméstiko Brutu
finalmente a kambia den
un kresementu positivo
di 0.2% na 2015. Esei ta
notisia positivo. Mas notisia
positivo ta ku apesar ku
invershonnan di sektor
privá a wanta, entre 2014
i 2015 a krea 2.500 puesto
nobo di trabou den sektor
privá, loke a pone ku tantu
e sifra general di desempleo
komo esun pa desempleo
hubenil a baha. Preisnan a
baha. Na novèmber 2015
tabatin un deflashon di 0.2%
segun CBS, provoká entre
otro pa e merkado global di
krudo. Asina e presidente
di Kámara di Komersio,
sr. Billy Jonckheer, a trese
dilanti ayera na okashon
di e bríndis anual di e
organisashon aki.

Segun Jonckheer, e
ta antisipá ku Kòrsou lo
konosé un aña fantástiko
ora ku uni forsa pa traha
pa interes general di nos
pais. Ku e aktitut positivo
aki kada un di nos den e
diferente gremionan di
sosiedat mester boga pa
brinda servisio ekselente i
hasi nos bèst pa nos pais.
Kada un di nos den nos
ambiente di influensha por
nifiká e diferensia i krea un
mihó Kòrsou. Pero laga nos
mantené e aktitut positivo,
poniendo énfasis riba nos
puntonan fuerte i krea e
ambiente pa por kumpli
logrando resultado positivo.

Segun Jonckheer, pa sali
na benefisio di e sektor
komersial, Kámara a
konsultá organisashonnan
komersial riba e tema di
fundeshi di ekonomia i e
kompas ku mester i ku ta
sinti ta nesesario pa e sektor
komersial alkansá e tan
anhelá konfiansa pa elevá
Kòrsou na un nivel nobo
riba su ruta di kresementu.

Nos mester ekspandé
nos presensia ekonómiko
den region i pone nos
eksportashon krese,

Sigui lesa pagina 52