Page 2 - AM221026

Local AWEMainta Diaranson, 26 October 2022

Hues yena di pregunta

riba caso Avestruz

urante tratamento di e caso Avestruz e siman aki, a
Dconcentra riba un tereno riba Sasaki otorga na un di

e acusadonan den e caso aki, esta Maria L. Arends (Leon-
cita). E ta e persona doño di e compañía Elanath, cu taba-
ta propietario di e tereno.
Den e tratamento di e siman aki a papia riba e rol di cada

un di e acusadonan den e caso aki, cuminsando na e
minister di e tempo ey Benny Sevinger, sigui pa su coordi-
nador, secretaria, funcionarionan cu a procesa e papelnan
y esnan beneficia.

Den e caso specifico aki a bay riba e tereno cu e acusado
Leoncita Arends, kende no a contribui mucho cu e proceso
pa contesta preguntanan tabata esun beneficia cu un

tereno grandi. Cuestiona den e caso aki ta cu el a yega na
oficina di e Minister y a haya ayudo di un consehero di e
mandatario en cuestion pa traha un carta y cu e minister
a firma despues cu e no tin problema pa otorgue e tereno.

A cuestiona e forma di proceder aki cu na Hulanda no por
haci algo asina, di acudi na un minister pa ayudo y haya
esaki tambe.

No solamente e momento ey a haya un contesta rapido
di e minister, pero tin dos otro aspecto mas cu Hues a
cuestiona. Esta cu Arends a haya e tereno hopi lihe pero
tambe a bende, of a bende e compania doño di e tereno,

hopi lihe tambe. Pa esaki a haya un suma grandi di placa.
E otro punto cuestiona ta e rol di yiu di Arends nombra
como director di e compania, mientras cu durante trata-
mento di e caso a sinti cu e no tabata sa nada di opera-

cion di e compania. Esaki a lanta e duda si di berdad e
tabata director of tabata un camuflahe.

Pa yega na un miho bista di e situacion, Hues a haci

pregunta con e procedura pa haya e tereno a tuma luga,
si esaki a bay riba ordo di e minister of ta DIP indepen-
dientemente di e “conseho” di minister a tuma un deci-
sion, si ta berdad ta e acusado Reina Richardson tabata

maneha Elanath of Arends, si ta berdad e procedura cu a
sigui pa “bende e tereno” (e compania) tabata uno limpi
y legal.
Hues tabatin hopi pregunta na cada un di e acusadonan

presente den Corte. Tratamento di e caso awo ta sigui
den luna di november.

2