Page 27 - ATA 13 FEB,2016

AWEMainta Diasabra, 13 Februari 2016 23

Un reportahe grafico
di inauguracion di
Monumento Ike Cohen

LAGA e esfuerzo di cada un di e pioneronan ta ehem-

pel y inspiracion pa nos generacion. Pa sigui haci di
nos turismo esun number uno den Caribe y na mundo!,
palabranan di Minister di Turismo, Otmar Oduber.
Manera ta conoci, diahuebs atardi a celebra e contribu-
cion di e pioneronan den nos turismo cu nan nomber
graba na Monumento Ike Cohen cu a wordo inaugura
na Plaza Turismo.

Awe nos kier publica un variacion di fotonan di e ocasion
special aki, unda e.o. Minister Otmar Oduber a recorda
e pioneronan den turismo. Unda 60 aña pasa Juancho
Irausquin hunto cu Oscar Henriquez a bin cu e idea di
un hotel luhoso.
Cu nan vision, e espirito pionero y e yudanza di otro-
nan, esaki a bira realidad na 1959 cu apertura di Aruba
Caribbean Hotel.
Otronan pioneronan cu tambe no mag di wordo lu-
bida ta e.o. Wichi de Palm, Ramon Richardson, Harold
Malmberg, Raymond Maduro, Eduardo de Veer y Ewald
Biemans.
Eline Bartels-Daal tabata un inovador di mercadeo.
Lloyd Baptist y Jesus Kock cu a habri e porta di entre-
tenimento.

Tabatin entrepreneurnan creativo manera Louis Pavlis,
Charlie Brouns Senior y Charlie Brouns Junior, Herman
Ponson, Chaubin y Maurice Neme y Eduardo Ellis.
E pasion y empuhe di Simon Oduber Jr. tabata e fundeshi
pa industria di MICE na Aruba.
Na tur e pioneronan aki nos ta honrando, hopi danki p’e
excelencia cu nan a brinda Aruba, tabata palabranan di
Minister Otmar Oduber.