Page 39 - EXTRA

Djarason 24 Yanüari 2018 39
Parlamentario Curtley Obispo den karta pa minister ke sa

Status investigashon

desishonnan tumá pa

Gabinete Pisas

WILLEMSTAD.-
Parlamentario Curtley
Obispo a manda karta
pa minister Konket
kaminda e ta puntra di e
status di investigashon
di desishonnan tuma pa
gabinete Pisas aña pasá.
Durante e rueda di
prensa semanal di Gobièrnu
di Kòrsou den e siman di
19 yüni 2017, Minister
Konket a anunsiá i a
informá pueblo di Kòrsou
ku Konseho di Minister a
tuma desishon i a enkargá
Minister Konket pa laga
hasi investigashon riba
tur desishonnan ku a ser
tumá dor di e Gobièrnu di
Kòrsou durante e periodo
di 24 di mart 2017 pa 28
di mei 2017 den kuadro
di ‘polítika di despedida’
di e Gobièrnu di Kòrsou
anterior. Minister a splika
e dia ei ku tin diferente
motibu pakiko pa laga
hasi un investigashon riba
desishonnan di Gobièrnu di
Kòrsou durante e periodo
di 24 di mart 2017 pa 28
di mei 2017, desishonnan
kual ta komprometé
finansieramente Gobièrnu
di Kòrsou ku a sigui
despues di 28 mei 2017.
Lo hasi investigashon riba
entre otro desishonnan
tuma den e periodo aki
kaminda entre otro no
a sigui proseduranan
indiká, riba desishonnan
tuma sin enbolbí esnan
responsabelnan i riba
desishonnan tuma den
e periodo aki ku tin
konsekuensia (finansiero)
negativo pa Gobièrnu di
Kòrsou ku a sigui despues
di 28 mei 2017. Lo a lanta
un komishon pa investigá
entre otro e desishonnan
tumá durante e periodo di
24 di mart 2017 pa 28 di mei
2017 pa loke ta trata entre
otro: 1) desishonnan ku tin
konsekuensia kontraktual
i pa presupuesto di Pais
Kòrsou i 2) desishonnan
ku konsekuensia pa
e posishon hurídiko i
gastunan presupuestá
di personal di Gobièrnu
di Kòrsou. E komishon
aki lo mester rekomendá
Konseho di Minister kiko
por hasi i pa finalmente
Konseho di Minister tuma
desishonnan.
A base di esaki i den
Sigui lesa pagina 40