Page 14 - CMB

PAGINA 30 DIARIO DIAHUEBS 19 AUGUSTUS 2021
Ladron bolbe

purba horta
bateria di

auto

ORANJESTAD (AAN):
Polis a bay Diamars atardi
pa 7:30 pm na un adres na
Noord Cura Cabay pa check
un caso di kiebro den auto. E
unidad di Polis cu a presenta
na e adres, a papia cu e habi-
tante di inicial S. E persona
aki a splica cu e tin un auto
Chevrolet Aveo color cora
sin number staciona bao di
garashi. Su cas ta situa pabao
di Mui Mui Food Mart y e
garashi no tin muraya.
Den pasado caba, hendenan
a horta e bateria for di e auto
aki for di bao di su garage.
Esey a pone cu el a dicidi
na wanta e hood cu scruf pa
e no habri facilmente mas.
Diamars mainta pa 7:00 am
el a sali bay traha, y a laga
tur cos na lock y intacto
atras. Banda di 5:20 pm el
a yega cas bek, y mesora el
a ripara cu a trata na forza e
hood di e Chevrolet Aveo. El
a mira tambe cu e bentana di
e porta drechi patras ta habri,
y e baul tambe. E ciudada-
no S. a bay check, y a ripara
cu nada a wordo horta. E ta
kere cu ladron un biaha mas
a trata di bay cu bateria, pero
no a logra nan di los e scruf-
nan aki di e hood, como cu el
a usa scruf special.