Page 80 - MINISTER ALEX SCHWENGLE - APRIL 8,2015

Apertura oficial Compleho Deportivo Franklyn Bareño

Publication: Wednesday, 8 April 2015. Categoria: General
Diabierna awor in soño deportivo ta bira realidad

ORANJETSAD (AAN): Porfin a yega e dia pa e gran apertura y inauguracion oficial di stadion
di SV Britannia na Piedra Plat.
DIARIO a haya sa cu e ceremonia relaciona cu e apertura lo inicia diabierna awor 7 or di anochi
pa publico en general y despues pa 8.30 lo inicia e wega oficial di campeonato Division di Honor
entre e team di cas SV Britannia y SV Estrella.
Como 5 aña pasa Directivanan di Centro di bario Piedra plat y SV Britannia a inicia un proyecto
ambicioso pa instala jerba artificial ariba e tereno di bala. Un proyecto considera pa eleva e
calidad y e proceso di desaroyo di futbol pa nos hungadornan.

Na inicio di e proyecto no tabata facil en bista di e costo di compra y instalacion di un veld di
jerba. Ultimo añanan e prijs di jerba artificial a baha ariba mercado internacional cual a haci
posibel inicia cu e proyecto.
Geerman Construction a realisa e trabao di instalacion y cu un ajudo grandi di sector priva,
commercio, Cede Aruba, otro organizacionnan y fondo propio e proyecto na final a keda realisa.
Directiva bou liderasgo di Sr Franklyn Bareno a traha duro pa quia y supervisa e proyecto. Pa
por a cumpli cu condicionnan di AVB(FIFA) y asina por realisa weganan oficial di campeonato
di futbol mester a sera e veld cu heki , tribuna y traha kleedkamers pa refree y teamnan. Cu ajudo
di commercio a instala un scoreboard.
Pa e ceremonia di apertura y wega entre Estrella y Britannia ta spera un jeno total.
Directiva di Britannia ta haci un invitacion general y specialmente tur su hungadornan,
miembronan, ex-hungadornan, ex-miembronan di Directiva, ex-entrenadornan y tur esnan cu den