Page 19 - AIRLINES

Inselair aruba ta optimista cu plan di rescate pa e
aerolinea

Tuesday, 07 March 2017 19:27
Comparti

Recientemente abogadonan di InselAir Aruba N.V. a haci un peticion na Corte pa proteccion
temporal, e asina yama ‘voorlopige surseance van betaling’, cual huez a otorga y ta valido te dia 7 di
juni 2017. Huez a apunta abogado Jeannot de Cuba como ‘bewindvoerder’ di InselAir Aruba N.V.

Akinan e directornan di e aerolinea lo por sigui cu nan funccion na unda tur decisionnan manera
acuerdo y contratonan lo mester wordo aproba dor di e administrador apunta pa huez. INSELAIR
ARUBA TA OPTIMISTA CU PLAN DI RESCATE Desde 2016 InselAir Aruba N.V. a cuminsa na
restructura su operacion y maneho conforme retonan cu nan a enfrenta cu e caida di mercado
Venezolano. Problemanan persistente di ricibi pagonan di benta di ticket di autoridadnan
Venezolano a conduci na problemanan di likidez. Esaki ta un asunto cu Reino Hulandes mes a dicidi
di intercedi. Una bez cu a nota e deterioro di e mercado di Venezuela, e aerolinea a cuminsa na a
reduci gradualmente, mas rapido cu tabata por, e cantidad di 12 rutanan te cu na 3 ruta activo. Esaki
tambe ta inclui re-organisacion di e compania local den gasto y personal. Mientrastanto
beneficiarionan principal y maneho di InselAir Aruba N.V. a activa su ‘Plan di Rescate’ pa asina
resolve y reanuda un operacion saludabel di e aerolinea. Segun maneho di InselAir Aruba N.V., nan
ta sumamente optimista cu negociashonan andando y ta sigur cu nan lo supera e retonan actual.
FLOTA Y TRIPULACION Mesun dia cu e decision di huez a cai, maneho di InselAir Aruba N.V. a
reuni cu empleadonan di e aerolinea na unda a duna e bon noticia di e veredicto y subsecuente
continuacion di e plan di rescate, cu ya ta riba bon caminda. “E crisis financiero, cu wordo causa dor
di e claim pendiente na Venezuela, ta uno cu positivamente nos lo recupera di dje.

Pero pa logra esaki InselAir Aruba N.V. lo mester di tempo pa reactiva su flota y operacion pa asina
sigui sanea e retonan financiero. Nos tin hopi confiansa cu pronto tur esaki lo ta tras di lomba”, Sr.
Stephan van Spaandonk ta e Chief Executive Officer di e aerolinea ta expresa. Alabes ela comparti cu
e prome avionnan di flota pronto lo wordo permiti pa tuma buelo atrobe, garantisando
cumplimiento cu regulacionnan/leynan di avacion. Tambe equipo lo bolbe cubri e rutanan den
excelente condicion techinico pa asina cumpli cabalmente cu e calidad di servicio y seguridad cu e
pasahero y miembronan di tripulacion merece. Den transcurso di e siguiente simannan e aerolinea
lo sigui reuni cu su empleadonan y lo comunica frecuentemente cu medionan di comunicacion. Na e
momentonan aki InselAir Aruba N.V. tin un cantidad di 93 empleado y ta cubriendo un total di 3
ruta cu ta inclui Santo Domingo, San Juan y Sint Maarten y tambe ta wet lease cu Insel Air
International B.V. (Curaçao). Ta wordo spera cu den e siguiente dianan e rutanan nan aki lo cuminsa
wordo reactiva un bez e avionnan wordo aproba pa tuma buelo.