Page 34 - ATA April 14, 2015

E siman aki ta cuminsa e di 26 edicion di e encuentro ‘Conferencia Anual de Turismo Aruba’ – CATA.
E conferencia ta tuma luga for di 15 di april 19 di april cu un programa intensivo y ta conta cu 80
participante di diferente paisnan di Latino America, manera Colombia, Argentina, Chile, Brasil,
Paraguay, Peru, Bolivia, Panama, Venezuela, Republica Dominicana y Ecuador. E participantenan lo
consisti di tour operators, varios representante di aerolinea, hotelnan bendiendo Aruba den nan
mercado y representantenan di Aruba den e mercado di Latino America y tambe algun miembro di
prensa.
Obhetivo di CATA ta pa brinda posibilidad pa reforsa e conocemento di Aruba na e ehecutivonan y pa
sigui traha riba e relacionnan cu e socionan, enfocando asina riba oportunidadnan cu por enrikece nos
mercado turistico.
Diaranson anochi lo tuma luga e recepcion di bon bini pa e participantenan di CATA. Diahuebs mainta ta
tuma luga apertura oficial na Radisson Aruba Resort & Casino cu palabra di bonbini di Minister di
Turismo, Transporte, Sector Primario y Cultura, Otmar Oduber, como tambe di e C.E.O di Aruba
Tourism Authority Ronella Tjin Asjoe-Croes. Ademas lo tin varios orador manera entre otro directornan
di ABAV, ANATO y AVAVIT, cu ta lidernan den e asociacionnan di turismo di mas grandi y importante
den e industria di turismo na Brazil, Colombia y Venezuela. Nan lo enfoca riba e topico "Futuro de los
canales tradicionales de ventas, operadores, agencias de viajes".
E mainta intensivo ta sigui cu un lunch na Hyatt Regency Aruba Resort, Spa & Casino. Parti merdia ta
ofrece e participantenan un actividad diferente di “teambuilding” den forma di beach tennis, paddle
boarding y mucho mas. E anochi di celebracion lo tuma luga cu un fiesta di riba Renaissance Island.
Diabierna henter dia lo tuma luga e vitrina turistico na Aruba Marriott Resort & Stellaris Casino. Aki ta
caminda encuentronan importante entre socionan local y e participantenan ta tuma luga pa asina
negocia y amplia oportunidadnan pa e proximo temporada. Un otro actividad hopi creativo lo tuma luga
diasabra na Ayo rock formation cu lo enfoca riba e parti cultural di Aruba. E conferencia lo cera cu un
broche de oro cu un anochi di celebracion di e di 26 aña di CATA na Casibari Rock formation.
Latino America ta e di dos mercado di mas grandi pa cu turismo di Aruba. CATA sigur ta un encuentro
hopi importante pa nos industria turistico. Aruba Tourism Authority ta desea tur participante hopi exito
y ta desea nos bishitantenan un estadia dushi y productivo na Aruba.

http://www.24ora.com/local-mainmenu-5/94036-ata-ta-yama-participantenan-bon-bini-na-e-di-26-cata

Turismo venezolano ta sigui crece den gran forma

Monday, 13 April 2015 19:05
Comparti

Durante aña 2014, Aruba a conoce un crecemento di 9.5% den turista stay-over y e aña aki a habri riba e
mesun “trend” di crecemento keto bay!
Promer cuartal di 2015 ta bolbe marca un crecemento substancial, cifranan ta demostra un crecemento
di 20.2% den cantidad di turistanan stay-over den comparacion cu e mesun periodo na 2014.