Page 14 - AWMAINTA

14 AWEMainta Diaranson, 19 Juli 2017

Segun Partido MEP

Noord ta desapunta den Mike Eman
Noord ta desapunta den Mike Eman

Scol HAVO/VWO na Noord ta un necesidad grandi

DEN fin di siman lider di MEP, Evelyn Wever-Croes
tabata den e bario di Noord hunto cu e coleganan candi-
datonan di Noord. Un grupo basta grandi di campañador
y candidatonan a drenta barionan y mester bisa cu e habi-
tantenan tabata contento di ricibi nan.

“Nos a wordo ricibi cu brasa habri y nos ta sumamente
agradecido pa esaki. Ciudadanonan cu kier scucha mas di
nos plan, otronan cu kier a duna felicitacion p’e debate di
siman pasa, y otronan kier a expresa nan disgusto contra
e Gobierno actual.
Un punto cu a resalta ta cu mayornan ta hopi desapunta
den Gobierno di Mike Eman, especialmente esnan cu den
pasado a vota pa AVP. Un grupo grandi a bira lomba pa
partido AVP pasobra AVP a desapunta nan. E unico cos
cu tabatin pa Noord, tabata e scol HAVO/VWO, pero ni
esey Noord tabata mag di haya.
Gobierno di Mike Eman a uza tur e placa di e scol ey, y a
inverti’e den un tram. Habitantenan di Noord ta bon na
altura di esaki, y hustamente esaki tin nan molestia. Si e
scol a bin na Noord, hopi yiunan di Nortero no mester coy
bus pa bay scol leu”, segun Wever-Croes.

“Criminalidad ta un otro tema cu tin hopi hende suma-
mente preocupa, y especialmente e hecho cu Gobierno no
ta haciendo nada. Minister Dowers kier pa bo kere cu NO
tin problema, y Minister Mike Eman no ta para Dowers den
su manipulacion. Ambos ta mes culpable n’e situacion aki.
Durante nos campaña den fin di siman habitantenan a tuma
e oportunidad pa expresa nan desgusto y desapunto cu nos.
Danki pa ricibi nos cu brasa habri, y danki pa e sosten”,
lider di MEP, Evelyn Wever-Croes a duna di conoci.