Page 15 - AWMAINTA
P. 15
AWEMainta Diaranson, 19 Juli 2017 15
Hospi Bondi Camp a inicia cu logo nobo pa su 25 aniversario
Muchanan hopi entusiasma cu Camp a cuminsa
DIALUNA a inicia Hospi Bondi Camp oficialmente na Hospital
unda cu pa di 25 biaha a yena e plenchi yen mucha entusiasma
pa diverti y gosa di e camp popular aki.
P’e ocasion special aki a traha un logo nobo dunando e camp un
aire fresco hunto cu un toke moderno y colorido pe camp.
E camp aki ta pa yiunan di trahadornan di Dr. Horacio E. Oduber
Hospital unda cu ta coordina recreacion, diberticion y educacion,
ofreciendo un programa bon balansa cu lidernan responsabel y
cariñoso locual ta haci cu tur aña e cuponan ta yena hopi liher.
E programa tambe ta adapta na orario di e trahadornan di Hos-
pital. E aña aki pa di 25 biaha e programa ta yen actividad pa
pasa momentonan dushi durante vakantie.
El a cuminsa dia 17 di juli y lo caba dia 28 di juli cu un clausura
extra special pa celebra nan di 25 biaha organisando e camp aki.
Durante e ultimo 4 añanan sra. Noralfa Eckmeyer ta dirigiendo
Hospi Bondi Camp y esaki ta bayendo hopi bon. Nan ta purba di
cambia tur biaha e actividadnan cu nan ta haci cu e muchanan.
E grupo di Hospi Bondi ta uno grandi y ta dificil tin biaha pa haya
lugar, pero asina mes nan ta haci nan esfuerso pa trece variacion
den e ultimo 4 aña.
E aña aki por ehempel nan lo tin actividad extra di cual Pico Bello
a acerca Hospi Bondi p’asina haci un rondleiding pe muchanan
chikito. Tambe nan lo bay Bright Bakery pa haya rondleiding
con nan ta traha pan.
Ademas di esaki lo bay tin 2 alumno di IPA cu lo haci nan Vrije
Studie Punt (VSP) durante e camp, unda cu lo tin 2 dia di sport-
dag. E sorpresa di mas grandi pe aña aki ta cu diabierna awor
Hospi Bondi Camp lo bay De Palm Island. E muchanan ya ta
anhela p’e dia aki yega liher mientras ta sigui gosa di e ambiente
di e camp.
Hospi Bondi Camp a bira algo esencial pe trahadornan di nos
Hospital y ta spera cu por sigui cu e tremendo Camp aki pa hopi
aña mas.
E comision di Hospi Bondi Camp ta gradici Hunta Directiva di
Hospital y e sindicato ABV pa nan donacion y yudansa. Anual-
mente por mira con tremendo e muchanan ta pasa durante dos
siman di nan vakantie na un manera saludabel y contento.
