Page 25 - AWMAINTA

AWEMainta Diaranson, 19 Juli 2017 25

BON DIA YEN DI ALEGRIA NOS a menciona den nos relato di siman pasa cu nos

Skirbi pa: Ruthy “Lady Ruth” Vrieswijk-Bergen lo comparti e resto di e potretnan di e caranan di Ruthy
cu tabata den e Expo na Unoca algun siman pasa como
parti di e “after effect” di Lady Ruth su “One woman
show”, “Alegria di Ruthy”.

Pero nos no por keda sin comparti prome cu como colega
artista di Tino Ruiz, e tata, nos tambe a sinti hopi tristesa
cu henter locual a sosode causando e morto tragico di
Tino y Mary nan unico prins, e dinamico y talentoso
Tino Ruiz, Jr., e yiu, cu a destaca como un shon di hende
y den su trabao di Polis.

Nos tambe a wak e ceremonianan policial cu a tuma lugar
dilanti Warda di Polis na Shaba Noord na television y
nos a sinti cu locual a sosode a dal tambe su coleganan
hopi duro mes, expresa den nan sintimentonan profundo
di curason na luto.
Ningun palabra expresa por duna consuelo mes ora, pero
nos ta pidi Creador di Amor pa duna mi colega musico
artista Tino Ruiz, e tata, y su bunita sra. esposa Mary, e
mama, hopi consuelo y amor pa suavisa e dolor inmenso
aki te ora nan por “smile” y hari atrobe, recordando nan
unico yiu homber den e momentonan alegre y bon, e
dushi momentonan comparti den nan union di famia,
un famia bunita y hopi respeta.

Amigo Tino, laga e melodianan di bo mandolin cristal
mes papia cu bo curason ora bo tin’el e den bo man, ora
bo ta cla pa sigui toca y inspira hasta den e silencio di
tempo y espacio.

Boso yiu homber stima mes lo desea pa boso sigui padi-
lanti den bida, aceptando e regalo bida, dia pa dia. Boso
tabata mayornan ehemplar, boso a duna di alma y curpa
na henter e bida y desaroyo di boso tesoro impagabel,
Tino Ruiz, Jr.
Awor boso a re-dedik’el e na su Creador di Amor pa sigui
den su bida spiritual mas aya.

Lady Ruth no a saca potret di e entiero. Mi a bay pa sos-
tene famia cu un oracion, mi a sinti Dios su presencia den
cada cancion, bunita canta pa Tica Giel y Jack Tromp.
Nos tur sa, pa con bunita un ceremonia of sirbishi por
ta, nos no por draai holoshi bek.
Locual a pasa a pasa y nos tur por siña algo di dj’e. Nos
por sigui resa pa nos Cuerpo Policial cu no tin’el e facil tur
ora, nos sa cu tin mas heroe eyfonan ta traha pa proteha
nos comunidad, tur cu nan mesun experiencia cu sa pone
cu nan tambe mester di un man y curason pa deshoga tur
locual nan ta pasa aden.

Lady Ruth cu sa bisa hopi biaha cu tristesa ta bay man den
man cu alegria, ta spera cu toch tin espacio pa comparti e
resto di su caranan pinta pa artistanan local y internacio-
nal di su expo “Caranan di Ruthy”den su relato di awe.
Lieve Mary y Tino, tuma boso tempo pa heal, boso ta den
oracion di hopi. Love you! Cu esaki tambe e clausura di
e expo “Caranan di Ruthy” cu e di dos mita den e relato
di awe.
Shonnan, pasa un bon dia yen di alegria!