Page 9 - AM201015

Diahuebs, 15 October 2020
Cosecha su programa creativo den october
AWEMainta 9
Cosecha ta keda ofrece actividadnan creativo den luna di october. Pa
por relaha, pa explora y pa pasa un tempo dushi Cosecha ta ofrece
workshops creativo como tambe opcionan pa loke ta trata DIY (“Do-
it-yourself”).
Ta ofrece opcionan na su Centro Creativo na San Nicolas y online. Ta
importante pa sa cu durante e actividadnan creativo na San Nicolas
tur precuacion di higiena y seguridad lo wordo tuma en conexion cu
Covid-19.
Diasabra 31 di october, Gloria Filiciana ta sigui cu su linea di
workshops di joyas na Cosecha. E la cuminsa den september cu un
cadena unda a siña e tecnica di wire-wrapping y a incorpora un sea-
glass den dje.
E mesun tecnica lo wordo usa e luna aki di october pa traha un arm-
band y na november nos ta traha un renchi di orea. E workshop lo
tuma lugar di 10.00am – 11.30am. Edad pa por participa ta 14 aña
bai ariba.
Cosecha San Nicolas ta habri riba diabierna y diasabra den
luna di october. Riba e dianan aki, ta ofrece e oportunidad pa pinta
bo “tote bag”. Dor cu e ta un D.I.Y. (“Do-it-yourself”) bo mes por tra-
ha y pinta bo diseño, pero personal di Cosecha tambe ta presente pa
asisti den crea un diseño si ta necesario.
No mester reserva, por walk-in y haci bo D.I.Y. Oportunidad pa haci
un D.I.Y. ta entre 12.30pm y 6.30pm ora e tienda ta habri.
D.I.Y. ta un actividad creativo p.e. pa muchanan, pa grupo di famia
of amigonan. Tambe por pasa Cosecha Oranjestad y San Nicolas pa
por cumpra e D.I.Y aki pa traha riba dje na bo cas mes. E ta inclui e
tas, verf y ejemplo pa diseña e tas.
D.I.Y. pakete di Mosaic pa haci na cas. E luna aki Merveline
Geerman ta ofrece e D.I.Y. pakete di galiña via Cosecha. E paketenan
aki por bestel na Cosecha pa por traha e piesa di Mosaic na cas. N’e
manera aki Cosecha kier ofrece un alternativa n’esnan cu ta prefera
di ta creativo na cas. E galiña ta forma parti di un linea di Mosaic.
Por bestel e pakete di galiña no mas tarda cu diasabra 7 di november
y por busca esaki diasabra 14 di november.
Pa mas informacion por tuma contacto cu Cosecha Oranjestad na
telefon 5878709. Tambe por manda un email na cosechaworkshop@
gmail.com.
Pa por keda informa di Cosecha su workshop-, artesano-, artistanan
y nan webshop nobo por bishita nan Facebook page: Aruba-Cosecha
Instagram page: cosecha_aruba y Webpage: www.arubacosecha.com