Page 14 - AM211030

14 AWEMainta .com Diasabra, 30 October 2021

Biblioteca cu campaña di “Un buki pa cada mucha”

Durante henter luna di november

biblioteca kier wak hopi mucha

na biblioteca.

Esaki ta un campaña den cuadro

di biblioteca su Festival di Buki

pa Mucha.

E regalo ta pa stimula mucha pa

lesa buki di autor local, ilustrador

local y autor di otro pais.

Cada mucha cu bira miembro

na november (of ta renoba su

carchi) ta haya un buki gratis

como regalo.

Tin diferente buki pa scohe for

di dje. Miembrecia pa mucha

ta valido pa 1 aña y ta costa
solamente 1 florin.

Mucha por fia 3 buki pa 1 luna. Y

despues ta cambia e bukinan pa
otro.

Cu e miembrecia tambe ta

bin e opcion pa lesa revista na
biblioteca y ademas tin e opcion

di fia y lesa Ebooks.

Pues hopi regalo pa tur mucha.
Mayor ta acompaña nan yiu pa

registra como miembro y ta hiba

identificacion valido di e mayor

y carchi AZV di e mucha.

Pa tur pregunta yama

# 528 1500 of manda

un email pa info@

bibliotecanacional.aw