Page 32 - AM211030

10 Djaweps 28 òktober 2021

E PIB a oumentá na Boneiru na 2019 i disminuí

na Sint Eustatius i Saba

E produkto interno bruto (PIB) di Boneiru a oumentá den volúmen
ku 6,3 porshento na 2019. Esaki ta e kresementu mas grandi for di ko-
mienso di e seri aki na 2012. Na Sint Eustatius i Saba, e PIB a baha ku
respektivamente 8,6 porshento i 5,3 porshento. Esaki CBS ta informá a
base di sifra nobo.
E kambio di volúmen di e PIB ta e desaroyo di balor di e PIB ahustá
pa kambionan di preis. A usa e índise di preis pa konsumidó pa korek-
shon den preis.

Kresementu den konstrukshon, hóreka i komèrsio na Boneiru
Meskos ku na 2018, tabatin hopi konstrukshon na Boneiru. E balor
agregá di konstrukshon na Boneiru a subi ku 23,3 porshento. Komersio
a probechá di e kresementu fuerte den konstrukshon, debí na oumen-
to di importashon di material di konstrukshon dor di kompanianan ku
ta bende material di konstrukshon. Otro kompanianan den e sektor di
komersio, manera supermerkado, tambe tabatin bon resultado na 2019.
E balor agregá den komersio a oumentá ku 10,1 porshento.
E oumento di 11,2 porshento di e balor agregá den hóreka ta debí
prinsipalmente na oumento den kantidat di turista ku a yega Boneiru
via barku òf avion, i pa motibu di oumento di e poblashon. Turismo via
avion a oumentá ku 6,8 porshento i e kantidat di pasahero krusero a subi
ku 15,3 porshento na 2019. E poblashon a oumentá ku 3,4 porshento.
Esaki a resultá den un demanda mas grandi pa bibida i kuminda, i tantu
akomodashonnan di hospedahe i puntonan di benta di kuminda i bibida
a probechá di esaki.
Debí na e oumento den kantidat di turista, e balor agregá tambe a
oumentá pa kompanianan di hür outo den sektor di servisio komersial.
Den total, e balor agregá den sektor di servisionan komersial a oumentá
ku 6,5 porshento. E balor agregá di kompanianan di energia i awa a subi
ku 10,8 porshento pa motibu ku tantu e produkshon di koriente i di awa
a subi.
Tambe tin sektornan ku a presta menos bon na 2019. E balor agregá
di kompanianan den e sektor di transporte, informashon i komunikashon
a baha ku 3,0 porshento. E bahada a ekstendé amplio pa kompanianan
den e sektor aki. E balor agregá di e sektor aki a baha ku 2,3 porshento.
Esaki ta debí prinsipalmente na e echo ku un kantidat di kompania a
pone un stòp na nan aktividatnan operashonal na 2019.

Kremp na Sint Eustatius i Saba
E kremp di 8,6 porshento na Sint Eustatius ta debí prinsipalmente na
algun kompania grandi riba e isla. E kompanianan aki ta produsí prinsi-
palmente pa eksportashon i ta dependé di desaroyo regional di e sektor
di petroli. Ounke e kompanianan aki tin un gran influensia riba PIB, su

influensia riba e entrada nashonal ta limitá. No ta inkluí e ganashi di e
kompanianan aki den e entrada nashonal, pa motibu ku e kompanianan
aki ta pertenesé den nan totalidat na akshonistanan ekstranhero. E kom-
panianan prinsipalmente ta duna un kontribushon na entrada laboral di
e isla.
E kremp na Saba a ser okashoná pa konstrukshon i enseñansa. E
balor agregá di enseñansa a baha, pa motibu ku tabatin ménos studiante
na 2019. E echo ku konstrukshon a baha kompará ku e aña anterior
ta debí ku na 2018 tabatin mester di hopi trabou pa drecha e dañonan
kousá pa orkan Irma i Maria.