Page 23 - MIN TTC JUNE 22, 2015

20 AWEMainta Dialuna, 22 Juni 2015

Unoca ta promove intercambio di conocemento
den mundo di arte audio visual cu

Artista audio
visual di Suecia,
Sofia Wickman
na Aruba

UNOCA ta un fundacion cu ta stimula cultura di Aruba

dor di respalda iniciativanan cu ta desaroya talento
cultura, en conexion cu esaki ta presenta un serie di
charla e aña aki organisa pa Ateliers’ 89 y cu ta enfoca
riba plataformanan cultural di cual tin interes den nos
comunidad.
E prome charla a tuma lugar siman pasa y a toca e tema
di arte audio visual y pelicula y a conta cu presencia
di Sofia Wickman, un artista multidisiplinario audio
visual y cineasta di Suecia.

Sofia a studia Media Audio Visual na Gerrit Rietveld
Academie y a expone su trabou na Hulanda, Reino
Unido y Suecia.
Aki na Aruba ta mira hopi hoben ta siña diferente
tecnica dor di experimenta y ta desaroya nan pasion
pa conta storia of explora e mundo di arte abstracto,
combinando video cu musica of sonido den relacion
cu otro.

Mirando cu tin dos festival di film/pelicula na caminda
y e demanda pa conocemento den e ramo aki ta halto,
tabata e oportunidad perfecto pa tin un intercambio
di experiencia y conocemento enfoca riba tecnicanan
di sonido, edicion y lus.
Artista local Ryan Oduber tambe tabata presente y a
conta di su experiencia den exterior y di e mundo di
arte visual aki na Aruba.
Pa mas informacion y potret di charla aki y otro
eventonan cultural por bishita UNOCA ARUBA riba
facebook.