Page 5 - GARAGE CORDIA

Prijsnan special riba autonan Toyota pa Dia di Tata

Sunday, 11 June 2017 11:44
Comparti

Bo ta buscando e regalo perfecto pa papi? Specialmente pa Dia di Tata, Garage Cordia tin special pa tur auto Toyota
cu un “Slip & Slide Fathers day event”. Tatanan por disfruta e dia mirando e auto cu nan lo desea di cumpra y na mes
momento por disfruta di e actividad.

Diasabra 17 di Juni di 9:00 AM te cu 1:00 PM tatanan por pasa na Garage Cordia y mira e autonan. Tambe lo tin e
sexy carwash pero mester yama pa haci un cita pasobra cuponan ta limita. E dia aki tambe lo tin waterslide unda cu e
muchanan, mamanan y specialmente tatanan por disfruta.

Pasa na e showroom di Garage Cordia dia 17 di Juni y mira e autonan cu tin y busca esun di bo. Bin pasa un rato
agradabel buscando un auto pa papi y na mes momento laba bo auto y/of disfruta di e waterslide. E prijsnan special
aki ta pa henter e siman di Dia di Tata.

A funda Garage Cordia Aruba na Juli 1965 ora cu a bestel e prome 12 autonan di marca Toyota pa nos isla. Awendia,
despues di mas cu 50 aña, keto bay e compania tin e record di a bende mas auto den historia di nos pais, tanto como
agencia como tambe e marca Toyota. Nan ta conoci specialmente pa e bon calidad di e autonan, pero sin lubida cu
nan ta e unico cu tin un surtido grandi di piesa pa drecha of ora di “service” e vehiculonan.