Page 14 - bon-dia-aruba-20211221

A14 deporte
Diamars 21 December 2021

Campeon Pony league Aruba 2021 U16 cu score dramatico riba e

ekipo di Stars Old Spice

E prome wega di semi-final di Pony League U16 riba
veld di Centro di Bario Lago Heigths, caminda White
Sharks a enfrenta e fuerte team di Aruba Juniors, for
di e prome inning e ekipo di Whitesharks a tuma ben-
taha cu nan prome careda y cu pitcheo dominante riba
monticulo di Juan David Brown, ken a bay full e ruta
di 7 innings, e wega a termina cu score di 2-1, y asina
Aruba Juniors a keda elimina, dunando e team di White
Sharks e derecho pa hunga e final.

Pa mas o menos 12 di merdia Hammershark y Stars a enfrenta
otro den wega di semifinal caminda e team di Stars a sali vic-
torioso cu score di 5-3 y asina haya e derecho pa bay final.

2:30 a bati y e momento a yega pa hunga e wega final entre
e team di White Sharks y Stars, un biaha mas e team di San
Nicolas White Sharks a sali bravo den e prome inning anotan-
do 4 careda y asina tuma bentaha for di trempan riba e equipo
di Stars, mesora Stars a lanta for di soño y a anota 4 careda den
e siguiente turno na bate, na final wega a bay smooth y a caba
cu score di 20-4 dunando e team di White Sharks e titulo di
Campeon di Pony League den Categoria U16, ta bon pa re-
marca cu Tyree Koeiman a bira pitcher ganador y MVP door
di a bin releva den e di 2 inning y a wanta e score en contra
mescos. Masha pabien na e team di White Sharks, Coaches,
Mayornan y fanaticonan.