Page 15 - awe2806

Diamars 28 di Juni 2022

COMUNIDAD

ARTBO a organisa curso di referee.

Den fin di siman Aruba Taekwondo Bond “ARTBO” a organisa
un curso di referee na ASU pa su miembronan. Master Eric
Barry ta un di nos refereenan Internacional cu a caba di tuma
e upgrading di e reglanan nobo cu ta na vigor. ARTBO tin
actualmente: Master Eric Barry, Augy Tromp y Moices Dumfries
cu ta referee internacional y cu sa para den campeonatonan
na Aruba.

E curso a cuminsa 11’or di mainta te cu 3’or y 45 di atardi.
Master Eric Barry a presenta tur e materia via e screen.
Presidente di ARTBO Sr. Moises Fernandez a hiba palabra
tocante e curso cu a wordo duna pa Master Eric Barry y a bisa
cu otro luna lo bay den practica cu e atletanan. Sr. Presidente
a menciona cu ARTBO ta bay tin un curso na luna di Juli cu un
Grand Master den Taekwondo cu ta bay bin Aruba pa Poomsea
y referee pa nos.

Monica Pimentel a participa den campeonato Internacional
unda cu e reglanan nobo a wordo usa y a comenta cu nan ta
train tur dia pa asina e atletanan sa e reglanan nobo.

15