Page 16 - awe2806

Diamars 28 di Juni 2022

INTERNATIONAL
Corida di toro na Colombia a

laga saldo di cuater morto

n celebracion festivo den e bario di
UTolima, Colombia, a bin caba diadomingo
den un drama grandi caminda cuater persona
a fayece y mas cu 300 hende a resulta herida
den e incidente aki.

E actividad cu tabata un corida di toro den
e ciudad di El Espinal na 150 kilometer di e
ciudad principal Bogota ora c’un seccion di un
tribuna di e arena den cual e actividad tabata
tumando luga, a bin abou cu alredededor di
400 hende sinta den esaki.
Entre e cuater personanan cu a fayece, tin
un baby di apenas 18 luna, mientras cu di e
grupo di 300 heridonan, tin cuater cu ta den
un estado critico y ta teme pa nan bida.
Jose Ricardo Orozco, gobernador di e estado
Tolima a confirma mortonan den e accidente
aki y cu autoridadnan ta investigando kico lo
por a pasa cu a pone cu e tribuna di palo a
bay dilanti y practicamente a cay cu tur hende
sinta aden.

Te ainda autoridadnan no por bisa motibo cu e
tribuna a los laga bay pero na a momentonan
ey tabatin varios hende den e arena c’un toro
coriendo rond ora di repente tur cos a bin
abou causando panico den e centro.

Den oranan di anochi autoridadnan a tene un
conferencia di prensa caminda a indica cu mas
di 322 persona a ser hiba pa diferente centro
di prome emergencia pa tratamento y cu riba
e seccion cu a cay den otro, lo tabatin un total
di 800 hende sinta den e sector aki.

E corida di toro tabata carga e nomber di
Corraleja y tabata forma parti di e Peter & Paul
Festival pero segun informa, tin autoridadnan
cu a pidi pa no permiti e actividad aki tuma luga
pero asina mes el a sigui cu e consecuencia
fatal.

16