Page 10 - AM210928
P. 10
10 AWEMainta .com Diamars, 28 September 2021
Auto a drenta mondi na Tanki Leendert,
un persona a resulta herida
Diadomingo anochi informacion a drenta cu auto a drenta
mondi na Tanki Leendert y cu tin hende herida. Mesora Polis a
bay n’e sitio, unda cu riba e crusada cu ta bay ariba y bo ta yega
Sero Patrishi/Modanza nan ta haya un auto color cora marca
MG.
Manera cu e informacion tabata indica Polisnan a mira e auto
hinca den e mondi banda di pariba.
Ambulance tambe tabata na caminda, y na yegada
Paramediconan mester a drenta e mondi p’asina atende cu un
di heridonan, cu tabata un dama.
N’e sitio nos a compronde cu un otro auto lo a primi gasolin
y subi caminda dilanti e auto MG cu tabata biniendo di zuid.
Chauffeur di e MG p’e no dal contra e auto cu a sali su dilanti
a desvia, perdiendo control y a kita na su man drechi pa bay
termina den mondi.
Polis di Trafico a presenta y despues di a saca e dama for di e
auto, Paramediconan a hibe Hospital.
