Page 11 - AM210928

Diamars, 28 September 2021 AWEMainta.com 11
Dos persona indocumenta haya den

Nissan March cu a hit & run un rato prome

Diadomingo anochi den careda
di 9:30 Polis a wordo informa
di un caso di hit & run tambe

yama den terminologia di Polis
doorrijder. Esaki lo a sosode na
Cumana.
Lo mester tabata trata di un

dalmento unda cu Nissan
March a dal tras di un otro
auto, pero na lugar di keda
para a opta pa sigui trip.

Recientemente Polis a saca riba
medio social un advertisement,
unda ta bisa cu hit and run ta

castigabel pa ley. Pero manera
por a pensa tin hende cu no ta
worry.
Algun rato despues di e

dalmento na Cumanna, Polis
a logra intercepta e Nissan
March den Emanstraat, unda
tabatin tres hende homber den

e auto entre nan e chauffeur.

A bin resulta cu dos di nan ta
personanan indocumenta,

esaki a pone cu mesora Polis
a bay over na detene nan.
Transportwagen a yega unda
cu pa un rato nan lo wordo hiba

Warda di Polis y despues pasa
over pa Guarda Nos Costa na
Huis van Bewaring na Dakota.
Por a mira cu e chauffeur

tabata mustrando Polis
documentonan di e vehiculo.