Page 5 - AM220211

Diabierna, 11 di Februari 2022|5
Trahadonan di F&B di Holiday

Inn den accion di protesta

Un grupo di trahador di Holiday Inn
a pone trabou abou un rato diahuebs
mainta pa algo cu nan ta considera un
inhusticia. Tabata trata aki di e grupo di
trahadonan di Departamento di F&B.

E acción aki no a cay den bon tera cer-
ca gerencia, pasobra ya caba tabatin un
palabracion cu lo bay negocia of yega
na un palabracion p’e mal contento
existente.

Ta normal cu departamentonan di F&B
di hotelnan ta crea un sistema unda cu
a base di puntuacion cada empleado
ta yega n’e suma cu e ta haya di loke
turistanan ta paga na service charge. E
fee aki ta un porcentahe di loke e turista
consumi y esey ta bay den un pot.

Pero e problema cu nan ta haya den e
sistema ta cu esnan cu ta hefe tambe ta
bin na remarca pa haya parti di e service
charge aki. Esaki ta algo cu nan no ta
di acuerdo cu ne. Na prome lugar, t’e
empleado comun y coriente den e De-
partamento di Food & Beverage t’esun
cu ta haci su esfuerso pa duna un bon
serviciopa laga e cliente sinti su mes
contento.

Na di dos lugar, e supervisor y manager-
nan ya caba tin un salario mas halto cu
e empleadonan. Pues no ta husto cu e
suma cu nan ta haya di service charge ta
bira menos, pasobra esnan halto tambe
mester haya.

Presidente di e sindicato (FTA) cu ta re-
presenta e trahadornan, Hose Figaroa,
tabata n’e sitio. El a bisa cu e ta com-
pronde e malcontento di e miembronan.
Esaki ta un punto cu a pidi pa pone bon
cla den CAO, cu esaki ta algo cu mes-
ter conta solamente p’e empleadonan di
rango abou y no managernan. Mirando
cu no ta respeta esey a dicidi di pone
trabou un rato, pero prome cu merdia
ya caba a reanuda nan labor.

Gerencia, segun por a compronde, ta-
bata basta rabia pa motibo cu e accion a
afecta e huespednan durante horario di
desayuno. Banda di esaki, tin un pala-
bracion cu ta bay atende cu e tema aki.