Page 80 - MIN VOS
P. 80
Inauguracion di Policlinica
Ginecologia & Verloskunde
Posted on 10/7/2015 5:24 pm AST | Updated on 10/7/2015 5:26 pm AST
ORANJESTAD - Pa hopi aña tabatin e deseo na Dr. Horacio E. Oduber Hospitaal pa
realisa e institucion medico su mesun policlinica pa e specialisacion di ginecologia. Esaki
a wordo realisa dia 1 di september 2015 cu e “soft opening” di e policlinica. E policlinica
a habri cu un total di cuater specialista pa atende e demanda grandi cu tin den comunidad
pa dokternan cu ta specialisa den trato di hende muhe. Riba diaranson dia 30 di
september, cu agendanan di e ginecologonan ya super yen, a celebra apertura oficial di
Policlinica Ginecologia & Verloskunde. A conta cu presencia di specialistanan,
dokternan di cas, partera, miembro di personal di Hospital, tambe staf medico y
stakeholders kendenan a felicita e personal di e policlinica y alabes Hunta di Directiva di
hospital cu e gran logro aki. Na e apertura a hiba palabra sr. Ezzard Cilié, kende ta
Director di cuido di Hospital, Dr. Wouter Huisman, ginecologo consulent, Dr. Wicha
Ponson-Wever, pediatra y Presidente di e staf medico y tambe Dr. Louise Rafael-Croes,
kende tambe ta un pediatra. Sr. Cilié a splica cu despues di traha hopi aña cu e clinica di
dr. F. Ho-Kang-You na Punta Brabo, e realisacion di e Policlinica di Ginecologia &
Verloskunde berdad ta un momento historico pa Hospital. E agenda ta yenando hopi lihe
caba, indicando cu sigur tabatin un necesidad grandi na Aruba pa un un Policlinica di
