Page 84 - MIN VOS

di wowo).
Tambe por bishita FAVI, Fundacion Arubano di esnan Visualmente Incapacita pa ricibi informacion tocante
problemanan di bista pero tambe nos ta duna ayudo, guia y tipnan practico na esnan cu ya caba tin un problema
di bista.
Kico abo mes por haci pa preveni problema di bista?
E contesta pa e pregunta aki ta rekeri un cambio di mentalidad. Nos no ta para keto na preveni pasobra nos ta
pensa cu e no lo sosode cu nos. Sea conciente bo bista ta indespensabel!
Cu e pensamento aki FAVI kier informabo di algun tips valioso pa cuida bo wowo:
1. Plania un consulta cu bo dokter di cas prome. E dokter di cas ta evalua si bo mester wordo referi na un
optometrista (prome linea)of na e dokter di wowo (Segundo linea).
2. Na e momento cu dokter di cas a referibo na un optometrista, esaki lo haci un examen di bista y tambe check
e presion di wowo. Si tin algo particular e lo mandabo bek na bo dokter di cas, cu na su lugar lo manda bo pa e
dokter di wowo.
3. Corda haci esaki sikiera un bes pa aña.
4. Pone bo mes al tanto si den bo famia tin problema di bista hereditario. Kisas un wela of welo tabata tin
problema di bista.
5. Biba un bida saludabel y controla bo peso pa evita problemanan di salud manera presion halto of colesterol
y diabetes.
6. Papia cu bo dokter di cas tocante di uso di vitaminan A, E, C of Luteine ( pa proteha e retina).
7. Proteha bo wowo cu un bon bril di solo cu ta proteha contra di rayo di solo. Nos ta biba riba un isla na unda
cu solo ta briya hopi fuerte y e rayonan ta afecta nos sin cu nos sa.
8. Si bo ta traha den un trabao manera di welder, carpinteria, construccion, cu kimiconan manera verf,
detergente, acido, azeta, gasoline ect. bisti un shield (protector) pa proteha bo wowonan. Esakinan ta na benta
na mayoria di hardware store of safety store na Aruba.
9. Si bo ta practica un deporte cu por pone bo wowonan na peliger, no keda sin proteha bo mes cu un bril di
solo of un shield (protector), por ehempel paint ball y baseball.
10. Evita contacto cu fuegonan artificial (klapchi), como adulto sea responsabel y no laga muchanan hunga cu
klapchi nan so of cende klapchi cu no ta apto pa nan edad.
11. Si bo ta un persona cu a wordo diagnostica cu e malesa diabetes ta recomendabel pa bo bishita bo dokter di
wowo regularmente pa controla e adernan di wowo. Tambe pa
controla bo nivel di sucu.
12. Si bo ta huma, stop inmediatamente! Tin hopi terapianan riba mercado pa yudabo stop di huma.