Page 5 - AM211104
P. 5
Diahuebs, 04 November 2021 AWEMainta.com 5
Entrada hudicial y detencion di un
sospechoso den Grenadaweg
Ayera diaranson algo despues di 12’or
di merdia, un team di Recherche di
Droga, Team di Aresto, Recherchenan
di Departamento Tecnico y Ministerio
Publico a drenta un cas den Grenadaweg.
Mesora cu nan a drenta e cas, Team di
Aresto a tapa wowo di un homber y a sak’e
for di e cas. E sospechoso a wordo hinca
den un auto di Recherche.
Por a mira un team di Recherche haciendo
un buskeda den e cas. Probablemente nan
lo tabata buscando droga.
E persona deteni lo keda un sospechoso te
na momento cu e wordo sentencia pa Hues.
Den e ultimo simannan, por mira un Team
di Recherche di Droga hopi activo. Varios
entrada hudicial y detencionnan a ser haci.
No ta conoci si e entrada hudicial
di Grenadaweg aki ta relaciona cu e
entradanan hudicial anterior.
A N U N C I O
SETAR ta informa cu lo tin trabounan di
mantencion riba diahuebs 4 di november
2021 di 7:30 am pa 4:00 pm.
Bario afecta lo ta:
Nuñe (un parti)
Nos disculpa pa cualkier inconveniencia.
