Page 13 - diario may 29

DIABIERNA 29 MEI 2015 DIARIO PAGINA 13

Pa evita cu turistanan ta laga sushi bao
palo di coco!

Un bari di sushi cerca di
linea 1 den Terminal di
Arubus ta necesario!

ORANJESTAD (AAN) -- Diahuebs mainta, na momento
di subi bus, den e terminal di Arubus, un dama turista ta-
bata tin den su man un cup cu refresco. E ora ey, manera e
reglamento di Arubus ta (corectamente), e chofer a bisa e
turista cu e no mag subi bus cu bebida na man.
E turista, cu no a haya un bari di sushi cerca, mirando e
chofer tabata cla pa bay (pa cumpli cu horario), a djis laga
e cup bao palo di coco cu tin sembra den e area dilanti di
linea 1 (1 y 2 ta unda e busnan cu ta bay area di hotel ta
para). E ta algo nada nechi, pero e señora no a haya otro
opcion.
Diferente pasahero a wak esaki cu mal wowo, pasobra no
ta bunita con turistanan mes ta susha nos lugar. Pesey ta
bon si Gerencia di Arubus por laga pone un bari di sushi,
sikiera chikito bao e mesun palo di coco of meymey di lin-
ea y 2 cu ta mas accesible pa e pasaheronan cu ta bay den
area di hotel, y cu prome cu subi e bus tin algo den man cu
nan mester deshaci di dje.
Esaki ta un sugerencia hopi bon intenciona, cu ohala e
compania tene cuenta cune.
Den pasado tabata tin un bari di sushi chikito meymey
di cada linea di bus, pero despues pa un of otro motibo a
wordo kita, y awor tin un par di bari poni solamente den e
parti unda e pasaheronan ta sinta warda bus.