Page 9 - MIN VOS 19 SEPT 2015
P. 9
18 AWEMainta Diasabra, 19 September 2015
Dianan 27, 28 y 29 di november proximo
Apertura oficial di Joe
Laveist Sport Park cu
“All Star Game”
DIARANSON ultimo Aruba Sport Unie (ASU) a anuncia reapertura
di Joe Laveist Sport Park dianan 27, 28 y 29 di november proximo cu
diferente actividad y evento. Dia 27 di november e apertura oficial di e
facilidadnan ta tuma luga.
E siguiente dos dianan lo ta yena cu diferente evento, incluyendo un “All
Star Game” di softball y demostracion di deporte di parti di diferente
federacion, incluyendo beach volleyball, LIFIDA, baseball, futbol,
domino, basketball y boxeo.
E evento cu sigur lo tin un impacto hopi grandi t’e All Star Game, pa cual
ta invitando streanan di baseball di Major League “MLB” pa hunga un
wega amistoso contra un team di hobennan Arubano cu ta destacando
den e deporte.
Rhadames Dijkhoff, kende a lanta na San Nicolas y den bisindario di
e Sportpark a hunga como mucha hopi biaha rib’e veld na Joe Laveist
Sport Park, t’e deportista cu ta encarga pa organisa e All Star Game.
Dijkhoff a bisa cu e no por menciona nombernan di e hungadonan cu nan
tin contacto cune ainda; asina mes el a laga e nomber Vladimir Guerrero
“slip”, añadiendo cu no a yega na un compromiso sigur ainda, pero cu e
negociacionnan cu e hungado legendario aki ta hopi avansa caba.
