Page 6 - HOH

Diamars, 11 Maart 2025 AWEMainta
Lansamento Plataforma Pashentnan di Aruba
DIA 28 di februari a tuma luga e lansamento oficial di
Plataforma Pashentnan di Aruba. Sr. mr.dr.Jayburtt Dijkhoff
cu ta presidente di Fundacion SIKI a enfatisa cu esaki ta un
evento historico pa Aruba. Ta trata di un plataforma unda
cu tur pashent di Aruba por expresa nan preocupacion- y
remarcanan pa asina contribui na un miho cuido medico.
Fundacion SIKI ta un organisacion non-profit cu ta boga pa
empodera e individuo y stimula cambio social positivo. E ta
haci esaki a traves di curso, investigacion y actividadnan cu
ta trece cambionan constructivo den sociedad. Un tema di
enfoke di e fundacion t’e derechonan di pashent. A publica
un buki y a duna hopi charla gratis pa stimula esaki, pero a
yega tempo pa bay p’e siguiente nivel.
P’esey a yega na un plataforma di pashent. Aruba no ta
cla ainda pa un asociacion of federacion, pero si ta cla
pa participa y contribui den un forma liber y igual pa tur
persona.
E plataforma ta logra su funcion pa medio di 3 punto:
1) Un vocero pa pashent,
2) Un plataforma digital
3) Centralisa e organisacionnan di pashent.
Sr. Dijkhoff a presenta e vocero di Plataforma Pashentnan di
COMUNIDAD 21
Aruba, kende ta sra. Nurianne Arias. Sra. Arias ta un docente
den maneho administrativo na Universidad di Aruba, ta
studiando pa su PhD, y ta un activista pa cuido di diabetes y
pashentnan en general pa hopi aña.
E escogencia pa un profesional di e caliber aki no tabata
dificil, specialmente mirando e pasion cu sra. Arias tin p’e
pashent y su cuido. Sra. Arias lo fungi como e bos di e pash-
entnan di Aruba den cuadro di combersacion y dialogo cu
entre otro ‘Kwaliteitsraad’ di Gobierno y otro entidad di salud
di Aruba. E Kwaliteitsraad ta un organo nobo den cual tur
reglanan tecnico y consehonan importante tocante cuido di
salud ta wordo formalisa.
Awor e Plataforma Pashentnan di Aruba ta drenta e fase
di sigui plama e noticia aki y encurasha tur hende pa join
e grupo aki riba Facebook groups: Pashentnan di Aruba.
Tambe lo bay planea pa invita tur e organisacionnan di
pashent join un otro canal di e plataforma.
Adicionalmente ta preparando pa acerca hendenan grandi
cu no tin facebook pa join via un canal alternativo. Esaki lo
wordo anuncia pronto.
Pa participa activamente por join e grupo di Facebook
‘Pashentnan di Aruba’: https://www.facebook.com/share/
g/168sDfiPuS/?mibextid=wwXIfr.