Page 14 - KPA JAN 19

Lo por tin dealnan scondi pa a permiti
roadservice bay traha rapport di
accidentenan y polis no mas?

7 hora pasa , 19 di januari 2016 02:40
Seccion: opinion

Ta hopi straño cu a duna permiso pa roadservice bay traha rapportnan di accidentenan y cu polis
mes no ta bay mas? Ta kiko tin eytras? E cos ey mester ser investiga, pasobra si coy e cifranan
cu nan mes a expone 800 accidente pa luna y AFls. 300,00 pa cada rapport e ta bira un negoshi
fabuloso. 800xAFls.300,00 ta bira AFls.240.000,00 pa luna y pa aña e lo ta AFls.2.880.000,00.
Pues casi 3 miyon Florin. Un excelente suma unicamente pa traha rapportnan simpel. E pregunta
ta a cambio di kiko a pasa esaki? Segun e personanan cu conose e materia, eynan tin trabao pa
parlamentarionan, pasobra lo por tin dealnan firma? Kizas fixmento pa negoshi famia of
huurmento di edificio di famia? Enfin tur esaki proximamente lo por sali na cla. Pasobra polis
mes por a keda haci e trabao aki ya cu nan ta expertonan huramenta, ta nan ta autoridad y Cuerpo
Policial mes por a keda y cobra e suma miyonario aki. Te ainda den ley ta para y tambe den e
examen pa rijbewijs nan ta puntra, kiko bo mester haci ora di un accidente? Yama Polis.
http://www.awe24.com/r23945