Page 7 - HOH
P. 7
26 CIENCIA AWEMainta Diahuebs, 19 December 2024
Remedi por controla ubicacion
di djente nobo cerca hende
INVESTIGADONAN Hapones ta trahando riba un remedi cu por
revoluciona odontologia door di regenera djente cerca hende,
ofreciendo un alternativa innovador n’e implante y djente falso,
segun AFP. E tratamento aki ta basa riba stimulacion di brote
dental latente, un di tres generacion di djente, presente bao di e
sencia.
E ekipo lidera pa Katsu Takahashi, hefe di cirugia oral den e
Hospital Kitano di Osaka, a descubri kico ta blokia e proteina nobo a crece. Potret di e animalnan aki a mustra e exito inicial di
USAG-1, por activa e brotena scondi aki. E estudionan cerca e pruebanan.
raton y huron a mustra resultado prometedor, logrando cu djente
Actualmente, e investigacionnan ta enfoca cerca e pashentnan cu
hipodoncia congenita, un condicion hereditario caminda cu falta
seis of mas djente permanente. E malesa aki por afecta signifi-
cativamente e capacidad di kauw. Segun Takahashi, e remedi por
ta disponibel p’e pashentna te na 2030, marcando un cambio
radical den nan bida.
Un caracteristica destacabel di e tratamento aki ta e posibilidad
di controla e ubicacion di djente nobo mediante e luga ta inyecta
e remedi. Takahashi a splica cu, den caso di un crecemento den
un posicion incorecto, e djente por wordo movi despues medi-
ante ortodoncia.
P’awo, e testnan clinico inicia ta wordo realisa cerca adulto sano
cu a perde por lo menos un djente, cu e obhetivo principal di
garantisa e siguridad di e remedi. Aunke e regeneracion dental
no ta e obhetivo principal di e etapa aki, ta existi un posibilidad
cu e participantenan experencia e efecto aki. “Mi lo keda hopi
contento cu e por t’asina,” Takahashi a comenta.
E expertonan manera Chengfei Zhang, profesor di endodoncia n’e
Universidad di Hong Kong, ta considera e enfoke aki “innovador”.
Sinembargo ta adverti cu e resultadonan obteni cerca animal no
semper ta traduci directamente cerca hende. A pesar di esey,
e avance aki por representa un logro den medicina regenera-
tivo, cambiando e forma cu nos ta trata abnormalidad dental den
futuro.
