Page 47 - AVP

ORANJESTAD(AAN)–PPS Y PPP. Dos abreviacion cu cual Aruba a wordo confronta
durante e regimen di gobierno Mike Eman, cu a cera campaña 2017 cu un celebracion
grandi di cumpleaños di Mike Eman na e brug di Balashi. Pueblo di Aruba no tabata na

haltura cu e no solamente mester a paga pa e fiesta pero pa algo mucho mas grandi.

Tabata dificil pa pueblo comprende loke ni mayoria den parlamento mes no por a
comprende ora el a aproba e pot di Un Biyon Florin, cu gobierno Eman a uza pa

proyectonan di cinco strea.

E proyectonan di Bo Aruba tabata dificil pa Parlamento splica pueblo. Tabata un total di
1.6 Biyon, cu gobierno Mike Eman a uza pa trece proyecto rond Aruba manera

contractonan cu awe ta problema, tram, hospital, Green Corridor y e asina yama
ringweg cu a haya nomber di Watty Vos Boulevard.

Aruba lo drenta 2020 na cadena di un aventura gubernamental, cu a wordo splica na

2018 ora e autoridad financiero mas halto di Aruba a presenta su rapport.

Algemene Rekenkamer Aruba a mustra pueblo riba e debenan, e riesgonan enorme, e
responsabilidad grandi cu Aruba mester carga den futuro pa paga pa e proyectonan di

cinco strea di Gobierno Eman.

Na 2019 otro rapport a mira luz y atrobe na fin di 2019, Aruba ta wordo presenta cu
advertencia serio di parti di e autoridad financiero di Aruba, pa e riesgonan grandi cu

ainda e mester carga sigur pa Watty Vos Boulevard y pa Green Corridor.

DIARIO a cumpli cu su tarea pa informa Aruba debidamente.

Sinembargo, e formula cu a wordo uza no ta comprendibel pa mayoria di pueblo.

Esaki mester ta asina, pasobra manera Algemene Rekenkamer Aruba mes ta trece
dilanti ni mayoria di Parlamento di Aruba no tabata sa kico e tabata aproba ora el a

permiti gobierno Mike Eman introduci e proyectonan PPS na Hulanda y PPP na Ingles.