Page 48 - AVP

Public Private Partnership na Ingles of Publiek Private Samenwerking Hulandes ta basa
riba un sistema cu gobierno ta uni cu negoshi priva pa un proyecto.

E tabata e metodo pa cual gobierno Mike Eman a dicidi na momento cu Aruba no tabata

tin placa pa gasta.

E situacion cu Aruba tabata aden no tabata permiti gasto. Gobierno Mike Eman a uni cu
negoshinan cu a ehecuta e proyectonan sin cu gobierno Mike Eman mester a pone placa

riba mesa.

Segun e contractnan cu a cera ta ora e proyectonan ta finalisa, Aruba ta cuminsa paga
riba termino largo.

Esaki ta nifica cu Aruba a wordo poni na riesgo grandi pasobra a mara Aruba y futuro di
Aruba na gastonan cu no por a wordo calcula di antemano y ni ta awe ta realmente ta
conoci pa pueblo.

Por compara loke a pasa cu un hende sin placa cu no por cumpra un bicicleta pero ta
bay un negoshi di auto y ta cumpra un limousine pa e paga den un futuro cu e no sa si
e tin e placa.

Te awe Aruba no sa cuanto e suma total di e proyectonan Green Corridor y Avenida
Watty Vos lo bira.

Pa paga e debenan cu lo dura 19 y 20 aña cu Aruba mester paga, a introduci na 2019 e
belastingnan PPS cu pueblo no por comprende.

Pero e gastonan di e proyectonan ta sigui subi y ningun hende (ni sikiera gobierno

Eman mes) ta na haltura kico e gastonan final lo bira.

Manera semper DIARIO a splica no tabata solamente e debe nacional cu tin Aruba na
careda. Manera atrobe na 2019 Algemene Rekenkamer Aruba a revela, Aruba lo mester

baha gasto y crea entrada pa durante e proximo binti añanan paga e proyectonan cu
Mike Eman cu cual gobierno Eman a destrui futuro siguridad financiero di Aruba.

https://www.diario.aw/2019/12/pps-ta-nifica-cumpra-limousine-sin-placa-pa-bicicleta/