Page 17 - FDLP

ASU A Tene Su Di 62 Edicion Di E ASU Olimpiada

Den Stadion Frans Figaroa

 Deporte
- 06/11/2019

Recientemente Aruba Sport Unie a tene e Ceremonia di Apertura di e ASU Olimpiade
2019 den Centro Deportivo Frans Figaroa na Noord. Den presencia di e miembronan di e
directiva, invitado, Federacionnan Deportivo sin lubida e atleta y coachnan a habri e
edicion 62 di e ASU Olimpiade.

A hiba palabra n’e bunita ocasion aki, Presidente di ASU, sr. Gerald Franca unda el a
recorda e 62 aña cu Aruba Sport Unie ta contribui n’e formacion di nos mucha y
hobennan pa nan bira un bon cuidadano, tur esaki atrabes di deporte. Mester bisa cu e
desfile di tur e deportenan tabata uno colorido y bunita pa mira. Tur hende a haci nan
maximo esfuerso pa presenta un bunita show di nan deporte p’e publico presente por
mira.

Stichting Sportsubsidie Aruba ta contento di por aporta y brinda e ayudo na Aruba Sport
Unie conmemorando su di 62 aniversario di e ASU Olimpiada pa tur nan federacionnan
miembro.