Page 22 - FDLP

DOUBLE HEADER DI DOMINO NA 99 BAR &

RESTAURANT!!!

NOVEMBER 6, 2019 LEAVE A COMMENT

Calabas – E weekend aki lo ta uno sumamente interesante den mundo di domino na Aruba. Manera un y tur sa caba,
asina fin dia aña ta yegando, 99 Bar y Restaurant ta yegando na su “climax” den competencia di domino! E fin di
siman aki lo ta bay tin nada menos cu’n tremendo double header den e unico y exclusivo Domino Square Garden na
mundo, esta e conicido 99 Bar y Restaurant na Calabas, e unico luga na mundo caminda “nan” no ta “stand by” si no
“dal bay”!

E prome encuentro candela candela ta entre nada menos e team di cas, esta Team 99 contra e
durisimo Team Balashi Knights, e team cu astronan internacional! Diabierna awo 8 di november cuminsando pa
8’or di anochi, Han y su 99 “boefjes” nan lo mester bay enfrenta un weso duro den Team Balashi Knights!
Diasabra awor dia 9 di november, otro sambombaso di bataya lo start pa 8’or di anochi ora nada menos cu e team
miho uniforma di hemisferio occidental, esta Team Snor, enfrenta the new team on the block, esta team Bena
di Koper!! Ayayay shonnan, Snor a acsepta e challenge y ojo con esto, pasobra prijs di koper lo subi ora e bena di
koper cuminsa produci waya y tubo diasabra awor cuminsando pa 8’or di anochi na 99 Bar y Restaurant! Manera
semper shonnan, e bar lo ta sumamente bon surti y na prijs di famia y e platonan completamente gratis di snack lo
bula manera UFO diabierna y diasabra awor! No solamente esey, pero wanta duro shonnan ya cu Ron Tropical lo ta
bay ta presente cu su fabuloso chicas pa presenta e rom di mas dushi y duna fanaticonan y hungadornan chance pa
gana premionan fabuloso! Shonnan amante di domino spectacular, no perde e oportunidad akidiabierna
awo cuminsando pa 8’or durante encuentro Team 99 vs Balashi Knights, y diasabra awor cuminsando tambe pa 8’or
di anochi ora Team Snor enfrenta Team Bena di Koper! Yegaaa!!