Page 54 - MIN.ECUE FLIP 30 SEPT 2017

22 AWEMainta Diasabra, 30 September 2017

Delegacion di Aruba a forma parti di e Ceremonia di Bandera

unda oficialmente e Weganan Sur Americano Hubenil Santiago 2017 a inicia

DIAHUEBS merdia, e delegacion Arubano participando n’e
Weganan Sur Americano Hubenil Santiago 2017 a keda oficial-
mente yama bon bini na Santiago de Chile.
Den e Parke Olimpico di Chile serca di e Estadio Nacional Julio
Martinez a tene e tradicional ceremonia di bandera unda tur e
paisnan participante n’e “2do Juegos de la Juventud Santiago
2017”.
N’e weganan aki e 14 paisnan di e continente Sur America lo
bataya den e 20 deportenan unda mas cu 1500 atleta den e edad
di 14 – 17 aña lo competi sanamente defediendo e bandera di
nan pais.

E ciudad anfitrion Santiago y su hendenan a yama bon bini na
henter nos delegacion di atleta, coach y dirigentenan.
Mester bisa cu pa Aruba, e staf di coachnan hunto cu e staf
medico y tecnico a presenta n’e ceremonia di bandera mirando
cu e atletanan lo yega diahuebs den oranan di anochi lat n’e
cuidad di Santiago for di Panama.
Presente hunto e delegacion nos por a mira Presidente di COA,
sr. Roy Mezas y miembro di directiva di COA, Menno Vinck.

Despues di a hisa nos bandera acompaña p’e tono glorioso
Aruba Dushi Tera, Hefe di Mision Kamilah Dammers-Naddall
a intercambia regalo cu sr.Michael Black, kende t’e Director
Ehecutivo di e Weganan Sur Americano Hubenil Santiago 2017.