Page 3 - BNDIA ARUBA

LOCAL A3
Diabierna 12 Januari 2018

45 Arubano a logra di regresa te awor

Awe reunion entre Reino y Venezuela riba situacion tenso

ORANJESTAD – Awe ta tuma luga un reunion di halto nivel guber-
namental tanto di paisnan di Reino Hulandes como di gobierno di
Venezuela pa atende e crisis cu e pais bisiña aki. E meta ta pa mehora
e comunicacion y asina logra un solucion.

Ayera prome minister Evelyn Wever Croes a informa cu despues cu a wordo
cumpli e 72 ora inicial, e gobierno di Venezuela a extende di forma unilateral
y indefini e prohibicion di trafico aereo y maritimo for di su pais pa e islanan
ABC.

Secretario di Estado di Hulanda encarga cu asuntonan di Reino, Raymond
Knops a realisa su prome bishita oficial na e gobierno nobo di Aruba di gabi-
nete Wever-Croes pa conhuntamente atende e situacion cu Venezuela. Pero
tambe pa e mandatario Hulandes por ta na haltura di e retonan di nos gobi-
erno riba tereno financiero y social. El a considera e reunion aki relevante pa
atende debidamente e demanda di Venezuela pa bin cu e decision aki, ya cu
nan ta sinti cu den canal oficial ta wordo papia un cos, pero den medionan di
comunicacion ta wordo publica otro cos.

Evacuacion y reunion
Prome mandatario di Aruba a laga sa cu tur esfuerso a wordo haci pa evacua
tur ciudadano Arubiano y Hulandes cu a keda pega na Venezuela ora cu e
gobierno di presidente Maduro a bin cu e medida aki. Esfuerso diplomatico a
wordo haci pa logra esaki y awe ta tuma luga e prome contacto personal.

Nan ta calcula un total di 180 ciudadano a keda pega na e pais bisiña. Entre
nan minister Glenbert Croes cu a bay Venezuela pa asunto di salud. Mirando
e actual situacion delicado na Venezuela, e prome minister ta conseha pa tur
nos ciudadano pa abstene di biaha actualmente pa Venezuela, sino ta algo es-
trictamente necesario.

E conseho na nivel di Reino Hulandes pa abstene di biaha Venezuela ta keda Prome minister di Aruba a bisa cu e echo di trece tur ciudadano bek ta trece
vigente. E ta un codigo oraño cu ta restringi pa bo biaha na cierto sitio. Si bo un trankilidad, pero esaki no kiermen cu cos a caba ya cu nan no ta satisfecho y
bay Venezuela bo ta core cierto risico ya cu actualmente no tin un garantia pa ‘nada contento con esaki a bay’. P’esey e ta considera e reunion di halto nivel
bo siguridad y bienestar. Aunke gobierno lo purba di haya e garantia aki, pero gubernamental di awe hopi importante. Nan ta bay papia riba e certificacion
nan no sa si lo por logra por lo pronto. cu lo wordo exigi na momento di importacion y den esaki autoridad Vene-
E echo cu gobierno di Aruba a dicidi di stop cualkier tipo di importacion di zolano lo tin su participacion tambe, y ki otro producto ademas = nan kier
diferente metal manera koper, chumbo y aluminio for di Venezuela, cu tabata restringi su salida. Ya cu pa e gobierno di Venezuela, Aruba ta e problema riba
e argumento principal cu e gobierno di presidente Maduro a uza pa hustifica importacion di nan koper.
su embargo, a yuda pa alivia e tension den e relacion internacional aki. Ta Igualmente minister di Asuntonan Economico, Xiomara Maduro, a informa
asina cu for di diamars anochi y ayera den henter dia e vuelonan a reactiva y cu tur importacion di koper y diferente otro metalnan pa Aruba a keda prohibi
nos hendenan cu a keda pega na Venezuela a cuminsa bin Aruba bek, entre como un medida urgente pa atende cu e crisis cu a surgi cu Venezuela. Mi-
nan minister Croes cu mester a yega ayera tardi. “Nos no ta bay descansa te ora rando cu e tabata un decision urgente, gobierno no a yega di reuni cu e com-
e ultimo pasahero cu ta pega yega”, segun e prome minister. pania (nan) local cu ta cumpra koper. Sinembargo e mandatario a laga sa cu
e canal ta habri pa nan tuma contacto cu departamento di Asunto Economico
pa nan haya sa mas di e contenido y alcance di e decision aki. Igualmente pa e
importacion di fruta y berdura for di Venezuela cu ta wordo afecta nan ta spera
cu esaki ta temporalmente.

Crisis na Venezuela y refugiadonan
Riba asunto di refugiado e ta haya cu Hulanda mester crea cierto compromiso
manera nan a yega di haci cu e crisis di refugiado na Europa. El a indica cu e
situacion di crisis humanitario cu e pueblo di Venezuela ta pasando aden ta
dificil, y e ta un topico sumamente delicado ya cu ta trata di hendenan, y nos
so como pais no por atende cu e asunto aki.

E ta haya cu e noticia ultimo cu un grupo di mas cu 30 hende a riesga nan bida
den un boto chikito caminda varios di nan a muri pa bay Corsou, ta refleha
esaki. El a expresa su preocupacion cu e tipo di situacion di refugiado lo sigui
presenta ya cu Aruba tin su propio problemanan social y financiero pa atende
cu nan. Pero di otro banda nos pais si ta comprometi ya cu pais Aruba a firma
un tratado pa atende cu asunto di refugiadonan.

P’esey e ta kere cu Hulanda mester tin un participacion mas activo pa atende
cu un eventual caso masivo di refugiadonan Venezuela. El a indica cu den
pasado refugiadonan a wordo aloca den otro paisnan mas grandi cu mester di
nan pa nan propio desaroyo. El a compronde cu tin pais na Latino America cu
a cuminsa tuma nan. Pasobra e ta haya cu Aruba no mester ta e unico pais cu
mester habri su frontera pa yuda esun den necesidad. Pero den e situacion cu
Aruba ta actualmente cu e presion social, nos pais casi no ta den posicion pa
saca un brasa pa yuda otro. Nan ta preparando un plan pa wak con Aruba ta
bay atende cu esaki, ya cu nos pais ta parti di un tratado internacional cu casi
ta impedi Aruba pa nenga refugiadonan bin, asina e prome minister a splica.