Page 23 - ATA
P. 23
Marriott International Inc. a nombra Antoinette van den Berg como Vice Presidente di
operacionnan di Benta y Mercadeo pa e area di Caribe y Latino America. Esaki ta loke
Aruba.com ta informa.
Den su papel nobo, Antoinette lo supervisa e Area Directors di Sales & Marketing pa e
region y e lo mantene su responsabilidadnan pa Caribe. Den adicion, e lo ta e Luxury
Lead pa e Disciplina como parti di e Luxury Team. “Antoinette ta bin cu experiencia
extensivo den region di Caribe y Latino America y a sobresali den e Area Director di
Sales & Marketing den hopi ocasion y mercato. Ta su pasion pa Caribe y Luho cu tabata
e ingredientenan principal pa su exito,” Alex Fiz – Regional Vice President – Sales &
Marketing – Caribe y Latino America a comparti.
Ta debi na su pasion pa hende y crea relacionnan duradero, Antoinette – naci y lanta na
Aruba – tabata sa cu for di comienso di su carera profesional, cu e lo tabata kier ta parti di
e industria hotelero. El a cuminsa cu Marriott na 2005 como Senior Sales Manager na
Aruba Marriott Resort & Stellaris Casion y a wordo promovi na Director of Sales y na
Director of Sales & Marketing di e hotel. Na un etapa hopi tempran, Antoinette a
identifica su mes cu e valor y cultura di Marriott, den cual e factornan primordial cu a
encurash’e pa keda y crece dentro di e compania. “Mi ta admira sr. Marriott y loke su
famia a haci pa e industria di hospitalidad como tambe pa e asociadonan y nan
comunidad. Tur ora cu nan puntrami, mi ta hopi orguyoso pa bisa cu mi ta traha pa
Marriott International.”
Na 2013, Antoinette a muda for di su pais natal pa Florida den e transicion como Area
Director di Sales & Marketing pa e region di Sur America cu Marriott International Inc. y
entrante 2014, Antoinette tabata supervisando e Disciplina di Sales & Marketing pa
Caribe, como Area Director di Sales & Marketing. Antoinette a gradua for di Boston
College na Massachusetts, cu un Bachelor’s Degree den Mercadeo. E ta casa y tin dos yiu
muhe y ta disfruta pasa su tempo liber biahando cu su famia y specialmente mira su
yiunan na pool mientras cu nan ta practica y competi den nan deporte faborito, cual ta
