Page 34 - MIN TTC 13 APRIL 2016
P. 34
AWEMainta Diaranson, 13 April 2016 27
Minister Rhuggenaath ta ricibí
delegacion di Alto Funcionarionan
di Gobièrno Cubano
WILLEMSTAD - Di 11 pa 14 di april tin un delegacion encabesá dor di
sra. Katia Alonso Cañizares, Director di Negoshi cu Capital Stranhero
di Ministerio di Comercio Exterior y Inversion Stranhero, di bishita aki
na Còrsou. E delegashon ta consistí di representantenan di Ministerio di
Turismo, Ministerio di Energia y Minas, Cámara di Comercio y Cupet.
E mision comercial aki ta den continuacion di e bishita cu Minister
di Desaroyo Economico, Eugene Rhuggenaath a realisá na janüari
último na Cuba, na ocasion di e mision comercial di Reino Hulandes y e
mision comercial di Còrsou pa Cuba cu ta wòrdo encabesá pa Minister
Rhuggenaath na mei próximo.
E meta principal di e mision for di Cuba pa Còrsou durante e siman
aki ta pa 1) E delegacion sera conocí cu loke Còrsou tin di ofrecé den e
sectornan di lansa cu ta e.o.: Turismo, logística, energia alternativa, y
tambe sector financiero internacional. 2) Ademas e meta di e mision ta
pa hunto cu e representante di autoridadnan Cubano intercambiá riba
posibel cooperacion riba e diferente áreanan di interes pa loke ta trata
conocemento y hacimento di negoshi cu beneficionnan mutuo.
