Page 77 - MIN TTC 13 APRIL 2016

Presidente di STA, Diego de CubA: “Trahadonan di triple A ta
cla caba pa bay den accion pa miho CAO”

Tuesday, 12 April 2016 19:52
Comparti

Presidente di sindicato STA, sr Diego de Cuba a mustra cu negociacion pa un CAO nobo pa trahadonan di
aeropuerto triple A, a mustra cu no ta cuestion cu e dos partidonan ta leu for di otro pa logra un contrato
di trabou nobo, pero mas tanto tin un discusion andando riba e sistema di pensioen bou di cual e
trahadonan di triple A lo bay resorta.

Segun e lider syndical den e acuerdo di e actual CAO mas cu cuater aña atras, ambos partido a yega na un
acuerdo cu e trahadonan di triple A mester determina bou di cual sistema di pensioen nan kier cay
caminda for di e tempo ey caba, e trahadonan a mustra un preferencia pa bay bou di APFA.
Mientras tanto e trahadonan a dicidi definitivamente cu nan kier bay cu APFA pero durante di e
deliberacionnan cu gerencia di triple A, e ultimo aki no tabata mucho di acuerdo cu e decision di e
trahadonan pa loke ta e fondo di pensioen.
Loke ta pasando na e momentonan aki ta cu gerencia di aeropuerto a bay di acuerdo pa e trahadonan
mes determina bou di cual fondo di pensioen nan kier bay y lo respeta y sostene esaki pero segun sr
Diego de Cubo awor cu e momento ta yegando pa un decision definitivo, a cuminsa mustra cu e otro
fondo ta mas miho y no ta mucho na fabor pa e miembronan bao bira miembro di APFA.
E trahadonan ya caba a dicidi riba nan fondo di pensioen, a haya presentacion caba di henter e proceso
aki for di APFA y sr de Cuba a mustra cu ya caba e trahadonan a tuma nan decision despues di un
presentacion extenso caminda ambos institucion a haci nan presentacion y tambe intervencion di un
actuarius.
Sr de Cuba a mustra cu net na momento cu APFA a haci su presentacion caminda nan a refuta algun
punto treci dilanti pa e actuarius, no tabata cuadra caminda a presenta un scenario cu tabata faborece un
compania y e trahadonan a scucha presentacion di ambos institucion pero segun sr de Cuba mente di e
trahadonan ya caba a scoge pa APFA.
Asina mes pa keda mas obhetivo posibel, a dicidi cu lo permiti e trahadonan haya un presentacion di
Guardian pa despues tuma un decision definitivo.
Otro punto cu ainda no a keda cla pa loke ta un CAO nobo, ta e punto di aumento general pero tin
añanan cu gerencia di aeropuerto kier duna un lumpsum pero STA den representacion di e trahadonan, a
mustra cu no por sigui den e forma aki.
Awe despues di e presentacion di e compania di siguro na e trahadonan, directiva di STA lo tin cu tuma
un decision hunto cu e trahadonan pa despues continua cu e deliberacionnan riba un acuerdo nobo cu
gerencia di triple A.
Presidente de Cuba a mustra cu e deseo ta pa keda cla c’un contracto colectivo ainda prome cu fin di
April, ya cu tempo a birando hopi limita ya cu dia 27 di April ta Dia di Rey y STA kier yega na un acuerdo
prome cu drenta luna di Mei y esaki no ta imposibel.
E lider sindical a sigui mustra cu triple A ta genera asina hopi placa y sr e Cuba ta ker cu nan ta
perdiendo den e placa ey y a mustra cu tin ora ta cos di hari ya cu recientemente nan a sponsor un auto di