Page 78 - MIN TTC 13 APRIL 2016

careda di Ven Eman cu 100 mil dollar cu segun sr de Cuba, nan por a parti e placa aki bou di e
trahadonan y ta cosnan cu nan ta mira cu tin ora tin placa ta wordo duna na instancianan caritativo pero
tin ora tin placa ta wordo gasta na cosnan cu ta mustra riba un locura.
STA a mustra gerencia di triple A cu nan ta contra di e bagamunderianan aki y no ta tolera esakinan mas
pero ta pega riba e parti financiero pero e presidente di STA no ta mira motibo pa esaki.
E presidente di STA a mustra tambe cu e trahadonan ta cla pa bay den accion y caminda ya caba e
trahadonan a mustra cu nan mester a bay den accion caba ya cu ta mira hopi cos cu no ta bon na e
momentonan aki tanto den triple A como den ATA caminda friends & family ta bolbe bin na ordo.
STA ta mustra cu si triple A kier bay haci un inversion di 133 miyon dollar den e aeropuerto, esaki not a
problema pa e sindicato y lo sostene e plan aki pero gerencia tin cu tin placa tambe pa e trahadonan ya cu
ta nan ta esunnan cu ta pusha garoshi di dia y anochi y STA kier yega na finalisa e CAO aki mas pronto
posibel y kier mira un mehoracion substancial den e contracto colectivo nobo y si no ta asina sr de Cuba a
mustra cu nan lo bisti nan “stoute schoenen” y nan lo mira kico nan tin aden

Comision Celebracion Dia Nacional ta clausura Celebracion
Nacional di 30/40

Tuesday, 12 April 2016 19:45
Comparti

Durante luna di maart completo Aruba tabata den celebracion grandi. Banda di e festivalnan, concurso di
poesia y actividadnan special, e aña aki a dicidi di haci un concurso specificamente pa tur e scolnan
basico riba nos isla. E meta principal ta pa inculca nos cultura, mas cu tur e amor pa nos pais y pa nan
compronde e motibo pa e celebracion grandi e aña aki.

34 scol basico a participa cu tur nan alumnonan. CCDN ta contento di a conta cu un participacion asina
grandi di casi 6 mil pa 7 mil mucha. E competencia di pintura sigur a trece cu ne un ambiente bunita y

special pa celebra e 30 aña di nos Status Aparte y 40 aña di nos Himno y Bandera.

Den fin di siman tabata tin un cuerpo di hurado cu ta consisti di e Gerencia di mercadeo di Setar N.V.
Sra. Shahaira Labad, Nigel Mattew, Reginald, Jorden Hilario y Karin Drost-Hijmering di CCDN cu a pasa

dor di tur e pinturanan. Ta un trabou grandi pero sigur satisfactorio pa mira e pinturanan crea pa nos

muchanan. A parti e alumnonan den dos categoria cual ta e categoria di "onderbouw" y e categoria di

"bovenbouw". Despues di a scoge e mihonan di cada categoria, a haci un pre-seleccion y di eynan mester

a saca e tres miho pinturanan. E huradonan no tabatin un tarea facil mirando cu ta trata di muchanan di

diferente edad cu ta competi contra otro y tabatin varios pintura cu a hala atencion. Pa e categoria di
"onderbouw" klas 1 te cu 3, e resultado ta como lo siguiente, na prome luga Emmaschool, na di dos luga

Cacique Macuarima y na di tres luga Colegio Conrado Cornel. Pa e categoria di "bovenbouw" cu ta klas 4

te cu 6, na prome luga a keda, Scol Basico Washington, na di dos luga St. Anna School y na di tres luga St.
Rosa College.

Aunque cu ta un alumno ta gana cu su pintura, henter e scol tambe ta ricibi nan regalo special di Setar

N.V.. Cada scol a ricibi un premio cash pa asina contribui cu cualkier necesidad di e scol. Tabata hopi