Page 38 - EXTRA 9 NOV,2015
P. 38
42 Djaluna 9 Novèmber 2015
CHARLA TOKANTE DISLEXIA
WILLEMSTAD.- Biblioteka Públiko a organisá un charla riba “Dislexia: Un problema òf un talento”. Esaki tabata na enkargo di Evelien van Dort.
Van Dort ta outor di e buki “E chikí yama Fiona/Fiona tge foal”.
SEMINARIO EMCURAÇAO RIBA AMBIENTE DI KAS
WILLEMSTAD.- EMCuraçao den kuadro di selebrashon di nan di tres aniversario a organisá e seminario titulá “Ambiente di Kas-EM Lifestyle”. A trata
diferente tema ku ta trata ambiente di kas, for di konstrukshon, renobashon, kuido i mantenshon anto tur den relashon ku hende i su naturalesa.
E seminario a tuma lugá den oula di universidat di Kòrsou UoC. E seminario a konta ku presentashon di oradónan di Kòrsou, Ulanda i Colombia.
RIMBOEJACHT DI SCOUTING
WILLEMSTAD.- Scouting antiano selebrando nan 85 aña a tene nan “Rimboejacht 2015”. E tema di e aña aki tabata “Hemailo Heee Cotacachi
Mashrani Heee”. Tabatin diferente aktividat den e sentro di kampamentu di scouting na Brakapoti. E welpnan, ku ta e muchanan di 7 pa 11 aña, a
disfrutá di nan aktividat nashonal, esta e “Rimboejacht”. Durante di e “Rimboejacht” e welpnan a sera konosí ku kultura di e pais ku nan bishitá
i su weganan, idioma etc. Esaki ta sosodé den forma di “postenspel”. Otro aña e Cuboree di Karibe lo tuma lugá na Guyana, kaminda Scouting
Antiano lo ta bon representá ku su welpnan.
