Page 39 - EXTRA 9 NOV,2015

Djaluna 9 Novèmber 2015 43

Kontinuashon di pagina 6
KIKO TA SIRBI PAIS...

den koalishon i
oposishon ku niun di
nan no tin solushon pa
e problemanan aktual
awor aki. I si pa rèspèt ku
nan tin nan bin dilanti
konkretamente i bisa kon
ta resolvé problema di AOV,
problema di finansa públiko
i problema di situashonnan
di e hendenan mas
marginá sosialmente den
e komunidat aki. Tambe
bisa mesora ku un elekshon
awor aki ta resolvé òf e
otronan ku ta pretendé ku
kontinuashon di gobièrnu,
ku awor aki si ta bini ku
un solushon pa resolvé e
situashon.

Por diskutí di awe te
mañan si un elekshon
por trese kambio
òf kontinuashon di
gobernashon, riba
un tèrmino lo bini un
kambio. Pa CGTC tur ta
keda posishon polítiko.
E pueblo aki ta kansa di
tur e proyekshonnan di
diferente organisashonnan
polítikonan ku nan si tin
e solushon, siendo ku tur
programa di gobernashon
di último aña solamente
tabatin medidanan kontra
di pueblo i e trahadó.

“Nos reto komo CGTC
ta ku awe djaluna mainta
kua partido por garantisá
pueblo di Kòrsou ku si
nan ta den gobernashon
nan lo resolvé problema
di penshonadonan,
problemanan di esnan
destabilisá ku no tin trabou,
problema di ekonomia,
problema di kriminalidat, i
problema di falta di vishon
polítiko.

Pa CGTC ta Kòrsou su
pueblo i trahadónan ta
konta. Finalmente Ignacio ta
deseá polítikonan sabiduria
den tuma desishon na
interes di Kòrsou.