Page 25 - AWEM 31 JAN

Diasabra 31 di Januari 2015 O nlin e awemainta.com

Esnan cu a cumpli 35 aña di servicio na
DPS tabata Ingrid Lande di Conrado Coronel, Diaña Pietersz
Gonzales di Bureau Traimerdia y Evelina Tromp di Scol EPI. Ta
bon pa menciona cu Ingrid Gietel di IPA a celebra 40 aña di
servicio.
Pa 25 aña di servicio trahando na Departamento di Enseñansa ta
Miriam van der Linde, Miranda Bareno y Rigoberto Koolman.
Pa 30 aña di servicio a celebra Is Rasmijn-Tromp y 35 aña di
servicio Roland Solognier. Sin lubida Armando Connor TBS
for di SKOA na Afdeling Onderzoek en Statistiek, cu a cumpli
25 aña di servicio.

Esaki t’e grupo cu a sa di enfoca con y kico por haci pa cumpli
cu enseñansa. Cu a duna importancia na balornan, duna cuido y
atencion y asina e importancia di ta servicial, di ta un profesional,
cortes y di bon manera.
Tur a sa di eherce e tarea di mas importante y grandi den
mundo di enseñansa y educacion cu un meta esun di mehora un
comunidad.
Cabesante di Scol Laura Wernet-Paskel, esta Eta Figaroa-
Geerman, kende lamentablemente no por tabata presente pa
motibo di kebrante di salud a laga recita un poesia dedica na
tur e hubilarionan.
Pa añanan largo maestro, bo a haci bo maximo esfuerso pa duna
e mucha confiansa cu e por! Pa duna e mucha un bon fundeshi pa
su futuro. Maestro bo ta di gran balor, Bo a desplega trabaonan
extraordinario. Cu vision bo a bay pa bo mision. Maestro, bo a
inspira, motiva, stimula y educa.
Pabien na tur cu a cumpli 25, 30, 35 y hasta
40 aña sirbiendo enseñansa di nos pais.

25