Page 30 - AWEMAINTA

30 AWEMainta Diaranson, 21 Maart 2018

Aruba Jrs y MPR Deco’s

campeon torneo Himno y

Bandera na Club Aruba Jrs

Denchi Dirksz y Juan Tromp MVP

DIADOMINGO ultimo, 18 di maart 2018, a clasura e
torneo di softball Himno y Bandera organisa pa SV Aruba

Juniors. For di diabierna a cuminsa cu e buelta di elimina-

cion 50 plus unda Jaws y Flamboyan di Corsou a participa.
Den e division 60 plus tabata di bishita Corsou Super Stars

cu a bin purba su suerte contra e fuerte ekiponan di Aruba.

Corsou a perde ambos wega contra Jannys Heavy Equip-
ment y Flash Bambino.

Finalistanan 60 plus tabata Jannys Heavy Equipment y
Aruba Juniors unda cu despues di un duelo di pitcher Aru-

ba Juniors ta tuma ventaha di e wega y no ta laga esaki
los mas. Aruba Juniors ta bira campeon 60 plus ganando

Jannys 6-2. Den Liga 50 tambe Aruba a mustra su superio-

ridad contra e teamnan di Corsou. Tabata MPR Deco’s y
Kibaima Total Services cu a clasifica pa e gran final.

Ambos ekipo a lucha te final pero tabata Deco’s cu a score

mas careda pa asina bay cu e titulo Himno y Bandera 2018.

Denchi Dirksz y Juan “Juan Te” Tromp tabata e hungador-
nan mas valioso den nan respectivo liga. Mester menciona

cu Feliz Thiel a hunga den ambos final y a sa di gana tur

dos. Atardi a tuma luga e ceremonia unda a homenagea
Fabio Gei, Erica Martinus y Glenroy Lake.

Minister di Deporte, sr Dangui Oduber a bishita e evento y
a keda impresiona cu e torneo y cantidad di hende presente

na Aruba Juniors. Un rato emocionante tabata ora cu Etty
Toppenberg a canta himno di Aruba acompaña pa e pu-

blico cu a demostra con patriotico e Arubiano ta. SV Aruba

Juniors ta felicita e ganadornan y ta gradici tur e miembro-
nan y umpirenan cu a traha durante e torneo. Un danki

special na tur sponser cu a yuda haci e torneo exitoso.