Page 16 - RDA
P. 16
WEB ta inicia renobacion brug di
tubo di Spaans Lagoen den di
dos kwartaal 2018
15 February, 2018
0
Pa medio di esaki WEB Aruba ta desea di aclarea e situacion di e brug di tubo di
Spaans Lagoen, di cual recientemente a sali publicacionnan den medionan di
prensa y via medionan social. E brug di tubo di Spaans Lagoen ta acomoda y
sostene tubonan pa transporta Heavy Fuel Oil (HFO) y awa industrial, pero
tambe cabelnan di coriente y communicacion cu ta core over di e lagun. For di
2017 a planea pa inicia un proyecto di renobacion di e brug den di dos cuartal di
2018. E proyecto lo tin un duracion di un aña.WEB ta aplaudi e preocupacion di
comunidad pa cu e brug aki. Pueblo por ta sigur cu lo envolvi expertonan
ambiental na momento cu inicia e trabounan di renobacion, pa asina limita e
efecto riba nos medio ambiente.
Preliminar na e proyecto, na 2016 a haci estudionan di inspeccion di e
condicionnan di e brug pa determina e urgencia pa renoba y tambe pa
determina e grandura y tipo di trabou di renobacion. A resulta for di e
estudionan e tempo ey, cu e brug por a wanta algun aña mas. Considerando e
